Ditzionàriu in línia
de sa limba e de sa cultura sarda

abéssu , agt Definizione chi bessat, chi est biraira, prenu meda Frasi oje sunt tucadas a su trólliu chin sos pischedhos prenos a cúcuru e abessos Etimo srd. Traduzioni Francese débordant Inglese overflowing Spagnolo rebosante Italiano traboccante Tedesco überlaufend.

biraíra , avb Definizione chi est birendhe, nau de istrégiu tropu prenu o de sa cosa chi ch'est orruendho a fora ca est tropu; nau de cumportamentu de unu, chi est animosu meda Sinonimi e contrari abessu, abbiru, chisciaghíscia, ghiraghira*, iragunoru, larilari, tirulatírula Frasi sa broca si che fit prenada, fata a rasu e ghiraghira ◊ cuss'isterzu est biraira: bogachendhe ca ifundhes su logu ◊ a cantu paret assumancu a mie, ses biraira de cuntentesa Traduzioni Francese débordant, exubérant Inglese overflowing, exuberant Spagnolo rebosante, exuberant Italiano strabocchévole, esuberante Tedesco überfließend, überreichlich.

chisciaghíscia , avb Definizione nau de cosa posta in istrégiu (e de custu etotu), biraira, essindhoche fora de s'istrégiu tropu prenu Etimo srd. Traduzioni Francese débordant Inglese overflowing Spagnolo desbordante Italiano trabocchévole Tedesco übermäßig.

ghiraghíra , avb Definizione chi bessat, chi sa cosa ch’essit de s'istrégiu de cantu est meda, tropu prenu Sinonimi e contrari biraira, chisciaghíscia Frasi li at prenau sa tzuca de binu ghiraghira ◊ sa broca si che fit prenada, fata a rasu e ghiraghira Etimo srd. Traduzioni Francese débordant Inglese overflowing Spagnolo rebosante Italiano trabocchévole Tedesco überfließend.

iragunóru , avb Definizione chi est birendhe, nau de istrégiu tropu prenu, prenu a oros / fàghere un’isterzu i. = prenu prenu Sinonimi e contrari abessu, biraira, chisciaghíscia, ghiraghira Etimo srd. Traduzioni Francese débordant Inglese overflowing Spagnolo rebosante Italiano traboccante Tedesco überfließend.

larilàri, larillàris , avb Definizione chi ndh'est càrrigu, chi ndhe portat meda (pruschetotu de cosa minuda, pitica, fintzes de abba), chi est cagiagàgia; chi est prenu a oros, prenu totu / èssere l. Sinonimi e contrari biraira, ghiraghira, iragunoru, laralara, tilchiatílchia / pienu Frasi zughet sos pantalones larilari de saurra ◊ sa pira in terra est larilari de frommiga ◊ bodhindhe morisca mi so fatu larilari de ispina Traduzioni Francese débordant Inglese crowded Spagnolo repleto Italiano gremito, rigurgitante Tedesco überfüllt, voll.

tirulatírula , avb Definizione dhu narant de s’istrégiu po s’ógiu, po su mele o àteru deasi, candho est tropu prenu fuliandho a terra, a tziri, istidhigandho Sinonimi e contrari biraira, untinaúntina Frasi s'ampulla est tirulatírula de ozu, comente l'as prena a tropu ◊ so murghindhe panes de mele: ndhe zuto sas manos tirulatírula Etimo srd. Traduzioni Francese débordant Inglese brimming over Spagnolo rebosante Italiano strabocchévole Tedesco überfließend.