Ditzionàriu in línia
de sa limba e de sa cultura sarda

aradúra , nf Definizione su arare, su trebballu de arare is terrenos po dhos prènnere a laore, manígiu de sa terra po dha semenare (o prantare cosa) Sinonimi e contrari aramentu, arera, aríngiu, aróngiu Frasi a brabatai su terrenu est a dhi donai un'aradura Etimo srd. Traduzioni Francese labourage Inglese ploughing Spagnolo labranza Italiano aratura Tedesco Pflügen.

aríngiu , nm: arinzu Definizione su trebballu de arare; is terrenos araos po semenare a laore / a. sulchi cadhigadu, sulchi acadhadu = a cradiga, chi dhue at abbarrau tretu o terra chentza segada e sentza covecada Sinonimi e contrari aradura, aramentu, aramíngiu, aróngiu Frasi babbu tou est torrendhe dai s'arinzu ◊ cras imbucamus cun s'arinzu! Etimo srd. Traduzioni Francese labourage Inglese ploughing Spagnolo labranza Italiano aratura Tedesco Pflügen, Bestellung.

aróngiu, arónzu , nm Definizione su trebballu de arare; logu e tempus chi si arat; is terrenos araos Sinonimi e contrari aramentu, aramíngiu, aríngiu Etimo srd. Traduzioni Francese labourage Inglese ploughing Spagnolo labranza Italiano aratura Tedesco Pflügen, Bestellung.

barbatàre , vrb: abbalvatare, barvatare, brabatai 1, brabatari, varvatare Definizione arare sa terra sa primu borta, pruschetotu in beranu, a manera de dha cumenciare a aprontare po s'atóngiu (e púdrigat s'erba) Sinonimi e contrari iscolturare Frasi seu brabatendi su cungiau, cida chi benit Terminologia scientifica mssr Etimo srd. Traduzioni Francese premier labourage au printemps Inglese to plough in Spagnolo abonar en verde Italiano sovesciare Tedesco einackern.