Legenda Incurtzaduras | Legenda Sìmbulos

aradúra , nf Definitzione su arare, su trebballu de arare is terrenos po dhos prènnere a laore, manígiu de sa terra po dha semenare (o prantare cosa) Sinònimos e contràrios aramentu, arera, aríngiu, aróngiu Frases a brabatai su terrenu est a dhi donai un'aradura Ètimu srd. Tradutziones Frantzesu labourage Ingresu ploughing Ispagnolu labranza Italianu aratura Tedescu Pflügen.

aríngiu , nm: arinzu Definitzione su trebballu de arare; is terrenos araos po semenare a laore / a. sulchi cadhigadu, sulchi acadhadu = a cradiga, chi dhue at abbarrau tretu o terra chentza segada e sentza covecada Sinònimos e contràrios aradura, aramentu, aramíngiu, aróngiu Frases babbu tou est torrendhe dai s'arinzu ◊ cras imbucamus cun s'arinzu! Ètimu srd. Tradutziones Frantzesu labourage Ingresu ploughing Ispagnolu labranza Italianu aratura Tedescu Pflügen, Bestellung.

aróngiu, arónzu , nm Definitzione su trebballu de arare; logu e tempus chi si arat; is terrenos araos Sinònimos e contràrios aramentu, aramíngiu, aríngiu Ètimu srd. Tradutziones Frantzesu labourage Ingresu ploughing Ispagnolu labranza Italianu aratura Tedescu Pflügen, Bestellung.

barbatàre , vrb: abbalvatare, barvatare, brabatai 1, brabatari, varvatare Definitzione arare sa terra sa primu borta, pruschetotu in beranu, a manera de dha cumenciare a aprontare po s'atóngiu (e púdrigat s'erba) Sinònimos e contràrios iscolturare Frases seu brabatendi su cungiau, cida chi benit Terminologia iscientìfica mssr Ètimu srd. Tradutziones Frantzesu premier labourage au printemps Ingresu to plough in Ispagnolu abonar en verde Italianu sovesciare Tedescu einackern.

«« Torra a chircare