Legenda Abbreviazioni | Legenda Simboli

coculía , nf, nm: cuculia, cuculiu, cugulia Definizione genia de istrégiu a duas asas, a costas artas, a buca larga, po còere cosa mescamente cun abba; cosa tundha a punta, a bisura de cugudhu / min. cuculiedha = su pertusu Sinonimi e contrari padedha, pignada Frasi a chie iscontzat custa comaria, sa cara nighedha che a sa cuculia! ◊ at postu sa peta in sa canistedha e su brodu in d-una cuculia 2. custu poveritu che l'amus tirau de sa cuculia pro che lu ghetare a sa bràsia… 3. sos pitzinnos leant una tzíchera, la prenant de ludu, covecant e faghent una cugulia ◊ in cussa cugulia de monte bi depet àere mortógliu, b'at àbbiles e bentúglios bentulendhe Terminologia scientifica stz Etimo ltn. coculum Traduzioni Francese petite marmite, petit pot Inglese small saucepan Spagnolo olla Italiano pentolino, pignattina Tedesco Kochtöpfchen.

padèdha , nf: paredha, patedha 3 Definizione genia de istrégiu a duas asas, a costaos artaos, a buca larga, po còere cosa mescamente cun abba: si narat fintzes de su papare chi si dhue coet / min. padedhutza, padedhita; rosa padedha = s'orrosa de s'orruo cràbinu Sinonimi e contrari coculia, pignada Modi di dire csn: iscuguzare sa p. = pigaindi su crobecu; sa p. de su benúgiu = rudéula; fàghere sa p. = fàghere a manigare cosa cota; afumare sa p. = brusiare su mànigu, pònnere su sabore o fragu de su fumu a su mànigu coghindhe; morigare sa p. (in suspu) = chircare chistiones, allegas Frasi fit niedhu che costas de padedha ◊ est semper in mesus che cutzerone in patedha ◊ fàlandhe sa padedha dae su fogu, ca cussa cosa est cota! 2. sos antigos faghiant sa padedha dae su sàpadu ◊ mamma ndhe faghiat solu una de padedha, e pro su piús fit a bustare e a chenare ◊ Deus baldet chi s'afumet sa padedha! 3. móriga sa padedha tua e no s'anzena! Cognomi e Proverbi smb: Padedda / prb: sos fatos de sa padedha los connoschet solu sa trudha Terminologia scientifica stz Etimo ltn. patella Traduzioni Francese marmite Inglese pan Spagnolo sartén Italiano péntola Tedesco Topf.

padezòne , nf, nm: padizona, padizone, parigioni Definizione padedha pitica / min. parigionedhu Sinonimi e contrari padedhutza, pingiadedhu, pingiorighedhu Frasi gai est s'ou dae tempus antigu: unu andhat in frisciolu o padezone, s'àteru est in tres chidas… pudhighinu! Etimo ltn. *patellione(m) ? Traduzioni Francese petite marmite, petit pot Inglese little pan Spagnolo cazo, ollita Italiano pentolino, pignattina Tedesco Töpfchen.

pignàda , nf: pingià, pingiada, pingiara, pinzada, pinzata Definizione genia de istrégiu mannitu a duas asas, a costas artas, a buca larga, de materiale adatu a pònnere in su fogu po còere cosa pruschetotu cun abba; coment'e materiale de fràigu, genia de matone mannu lébiu, totu istampau e largu, po pònnere inter is travetos a fàere bòvedas / min. pingiadedha, pingiadedhedha, pingiadedhu, pingiallotedhu Sinonimi e contrari coculia, padedha Modi di dire csn: sa pingiada sbrúfulat, fúliat a foras, budhit a cróculus; sgumai, murigai sa pingiada; brenti a pingiaredha = prena, de fémina ràida; cosa de pingiada = mànigu cotu Frasi che li ant furadu una pinzada, unu tianu e una supera ◊ a sa pinzada li at ghetau su sale ◊ in medas logus, su primu domínigu de carésima si segant is pingiadas 2. unu tempus si permitiant de fastigiai sa picioca sceti de sa fentana: oi est mellus, mancai si biant tropu brentis a pingiaredha!… 3. seu disigendi unu tzichedhu de cosa de pingiada, papendi sèmpiri cosa asciuta! ◊ cosa de pingiada no mi ndi pòngiat a fai! Terminologia scientifica stz Etimo ltn. *pineata Traduzioni Francese marmite Inglese pan Spagnolo olla, rasilla Italiano pignatta, péntola Tedesco Topf, Deckenziegel.

pingiadédhu , nm Definizione min. de pingiada, padedha pitichedhedha Sinonimi e contrari padedhutza, padezone, pingiorighedhu, pinzatolu Traduzioni Francese petite marmite Inglese small pan Spagnolo cazo Italiano pentolino Tedesco kleiner Topf.

«« Cerca di nuovo