Legenda Abbreviazioni | Legenda Simboli

becèsa , nf: betzesa, vecesa Definizione su èssere bècios, s'úrtimu tempus de una vida candho sa persona, fintzes sana, si derruet / a sa b. sa pigota = fàghere una cosa – che a su fatzinu a betzu – candho no est prus tempus, candho no serbit prus (nadu prus che àteru de unu cumportamentu) Sinonimi e contrari ansianidade | ctr. gioventura, picinnia Frasi sa betzesa mi est sighindhe! ◊ sa becesa de Batista Nuxis, chi ndi dhi essiat sa farrixedha de is genugus ◊ a is becesas si gosat sa giubbilatzioni ◊ giai ndhe faet, totu, de brullas sa becesa: candho fio picioca non dhos intendhia is peis fritos! ◊ babbu e mamma sunt benindho in becesa! Cognomi e Proverbi prb: a is becesas camisa arrandada Terminologia scientifica vda Traduzioni Francese vieillesse Inglese old age Spagnolo vejez Italiano vecchiàia Tedesco Alter.

edàde, edàdi , nf: erari Definizione su tempus de sa vida de unu, is annos chi tenet Sinonimi e contrari tempus Frasi totu su chi amus fatu in pitzinnia, como chi intrados semus in edade, nos paret oro de prima calidade! ◊ s'edade mia avantzada est aggravada de unu male puru ◊ candu femmu dèu a s'edadi tua prus de su coràgiu fut sa timoria! (Urru)◊ candho eo fia de s'edade tua no ischia cantare che a tie (Cubeddu) Etimo ltn. aetate(m) Traduzioni Francese âge Inglese age Spagnolo edad Italiano età Tedesco Alter, Lebensalter.

fedàle, fedàli , agt, nm: avedali, etale, fetale Definizione chi o chie tenet su matessi tempus, de annos, est de su matessi fedu Sinonimi e contrari avedu / cdh. fidali Frasi custos duos sunt fedales ca sunt nàschidos su matessi annu ◊ iat bitu is fedalis pigandu a su cúcuru de sa Serra ◊ cussus funt fedalis suus, mascus e féminas ◊ isse at ammoradu chin d-una fedale Etimo srd. Traduzioni Francese du même âge Inglese contemporary, same age Spagnolo coetáneo Italiano coetàneo Tedesco gleichaltrig, Altersgenosse.

grógicu , agt Definizione nau de pedhe, chi si est intostada; nau de unu, chi no si lassat dominare deasi fàcile fàcile Traduzioni Francese parcheminé Inglese wrinkled with age Spagnolo acartonado Italiano incartapecorito Tedesco verschrumpelt.

imbedustàre , vrb Definizione intrare in tempus, bènnere bedustu, mannu de annos Sinonimi e contrari annosigai, assenecare, imbeciai, imbedustire | ctr. impisedhire, ingiovanèssiri Etimo srd. Traduzioni Francese prendre de l'âge Inglese to age Spagnolo envejecer Italiano attemparsi Tedesco alt werden.

«« Cerca di nuovo