Legenda Abbreviazioni | Legenda Simboli

agiadài , vrb: agiuare, agiudai, agiudare, agiudari, agiurai, ajuai, ajuare, ajutare, atzuare 1, axuare, axudae, axudai, azuai, azuare, azudare, azutare, ojuare Definizione fàere una parte o totu su chi depet fàere s'àteru candho no dhu podet a solu, giare una manu a s'àteru in su bisóngiu, giare cosa, amparu; si narat brindhandho a unu de fora a papare candho capitat chi agatat is de sa domo giai papandho / azuare carchi cosa a ccn. = atuai, pigare sa cosa o betare una manu chi arresurtet prus fàcile a s'àteru a si dha pònnere a codhu, a si dha carrigare; Deus ti agiudit! = itl. Dio ti protegga! Sinonimi e contrari agiuventare, atuai, giuai, sufragai / amparai | ctr. ilviare, strobbai Frasi istentada est sa zente a tribagliare, ma tue no bi ses a l'azudare (A.Casula)◊ seus tropu arrebbugius e pretendeus chi Gesugristu s'agiurit ◊ su pitzinnu si est irvortatu e no cheriat prus ajuare a su babbu ◊ azúalu a istudiare, ca no ndh'est cumprendhindhe! ◊ sa famíglia pruite no ti axuat? ◊ sa cosa cun ledàmine e abba si azuat a crèschere ◊ so cuntentu de ti pòdere axuare balu ◊ chie binchet azuat! 2. cussa famíllia cheret azuada, ca est in su bisonzu 3. - Setzi a mesa ca nos azuas! - Coment'e retzidu: so pesendhe comogomo de manigare! Gràtzia su matessi: faghide! 4. unu sachedhu de tzimentu de mesu cuintale a solu no mi lu azuo, ma si mi lu azuades lu leo! Etimo ltn. adiutare Traduzioni Francese aider, secourir Inglese to help Spagnolo ayudar, colaborar Italiano aiutare, agevolare, collaborare, soccórrere, sostenére Tedesco helfen, behilflich sein, mitarbeiten.

agitoriài, agitoriàre , vrb Definizione pònnere boghes tzerriandho gente pedindho agiudu Frasi candu at inténdiu ca fiat mortu su pobidhu, curtu at a sa pratza agitoriendi ◊ su pòburu ómini fiat agitoriendi e atzapulendisí me in terra po su dolori ◊ a sa boge pariat gente agitorianno ◊ cudh'ómini at agitoriau meda po su dolori ma gei s'est apaxiau Etimo srd. Traduzioni Francese crier au secours Inglese to invoke for a help Spagnolo pedir ayuda Italiano invocare aiuto Tedesco um Hilfe rufen.

agiúdu , nm: agiuru, ajudu, ajutu, axudu, azudu, azutu Definizione cosa chi si faet o chi si giaet a s'àteru chentza si dha dèpere, in donu, totu su chi si faet po atobiare a s'àteru in calecuna dificurtade o po si dh’arresparmiare / s'agiudu de su cani chi no sórigat = nudha! (che a s'agiudu de is ladros de Pisa); a agiudu càmbiu = a zoronadas càmbias Sinonimi e contrari azubentu Frasi chentza s'agiudu de is babbais e mamais no piais a fàere cosas mannas ◊ ciai mi possu fidai de s'axudu tuu? ◊ mi at abbaitatu chin sos ocros de sa gana, guasi petínnemi ajutu ◊ cun is azudos tuos su mannu e su pitiu at a èssere salvau ◊ sos contribbutos prúbbicos pro fàghere custas òperas sunt unu bellu azudu ◊ sighint a retzire agiudos mannos de parte de is americanos Traduzioni Francese aide, secours Inglese help Spagnolo ayuda, socorro Italiano aiuto, soccórso, agevolazióne Tedesco Hilfe.

assestíre , vrb: assistiri Definizione istare acanta po fàere atentzione, atèndhere a ccn. o a calecuna cosa Sinonimi e contrari agiudai, amparai, assístere, atèndhere, castiai Frasi a chie at coro vonu Deus l'assestit Etimo spn. assistir Traduzioni Francese assister, aider Inglese to help Spagnolo asistir Italiano assìstere, aiutare Tedesco helfen.

«« Cerca di nuovo