Legenda Incurtzaduras | Legenda Sìmbulos

agiadài , vrb: agiuare, agiudai, agiudare, agiudari, agiurai, ajuai, ajuare, ajutare, atzuare 1, axuare, axudae, axudai, azuai, azuare, azudare, azutare, ojuare Definitzione fàere una parte o totu su chi depet fàere s'àteru candho no dhu podet a solu, giare una manu a s'àteru in su bisóngiu, giare cosa, amparu; si narat brindhandho a unu de fora a papare candho capitat chi agatat is de sa domo giai papandho / azuare carchi cosa a ccn. = atuai, pigare sa cosa o betare una manu chi arresurtet prus fàcile a s'àteru a si dha pònnere a codhu, a si dha carrigare; Deus ti agiudit! = itl. Dio ti protegga! Sinònimos e contràrios agiuventare, atuai, giuai, sufragai / amparai | ctr. ilviare, strobbai Frases istentada est sa zente a tribagliare, ma tue no bi ses a l'azudare (A.Casula)◊ seus tropu arrebbugius e pretendeus chi Gesugristu s'agiurit ◊ su pitzinnu si est irvortatu e no cheriat prus ajuare a su babbu ◊ azúalu a istudiare, ca no ndh'est cumprendhindhe! ◊ sa famíglia pruite no ti axuat? ◊ sa cosa cun ledàmine e abba si azuat a crèschere ◊ so cuntentu de ti pòdere axuare balu ◊ chie binchet azuat! 2. cussa famíllia cheret azuada, ca est in su bisonzu 3. - Setzi a mesa ca nos azuas! - Coment'e retzidu: so pesendhe comogomo de manigare! Gràtzia su matessi: faghide! 4. unu sachedhu de tzimentu de mesu cuintale a solu no mi lu azuo, ma si mi lu azuades lu leo! Ètimu ltn. adiutare Tradutziones Frantzesu aider, secourir Ingresu to help Ispagnolu ayudar, colaborar Italianu aiutare, agevolare, collaborare, soccórrere, sostenére Tedescu helfen, behilflich sein, mitarbeiten.

agitoriài, agitoriàre , vrb Definitzione pònnere boghes tzerriandho gente pedindho agiudu Frases candu at inténdiu ca fiat mortu su pobidhu, curtu at a sa pratza agitoriendi ◊ su pòburu ómini fiat agitoriendi e atzapulendisí me in terra po su dolori ◊ a sa boge pariat gente agitorianno ◊ cudh'ómini at agitoriau meda po su dolori ma gei s'est apaxiau Ètimu srd. Tradutziones Frantzesu crier au secours Ingresu to invoke for a help Ispagnolu pedir ayuda Italianu invocare aiuto Tedescu um Hilfe rufen.

agiúdu , nm: agiuru, ajudu, ajutu, axudu, azudu, azutu Definitzione cosa chi si faet o chi si giaet a s'àteru chentza si dha dèpere, in donu, totu su chi si faet po atobiare a s'àteru in calecuna dificurtade o po si dh’arresparmiare / s'agiudu de su cani chi no sórigat = nudha! (che a s'agiudu de is ladros de Pisa); a agiudu càmbiu = a zoronadas càmbias Sinònimos e contràrios azubentu Frases chentza s'agiudu de is babbais e mamais no piais a fàere cosas mannas ◊ ciai mi possu fidai de s'axudu tuu? ◊ mi at abbaitatu chin sos ocros de sa gana, guasi petínnemi ajutu ◊ cun is azudos tuos su mannu e su pitiu at a èssere salvau ◊ sos contribbutos prúbbicos pro fàghere custas òperas sunt unu bellu azudu ◊ sighint a retzire agiudos mannos de parte de is americanos Tradutziones Frantzesu aide, secours Ingresu help Ispagnolu ayuda, socorro Italianu aiuto, soccórso, agevolazióne Tedescu Hilfe.

assestíre , vrb: assistiri Definitzione istare acanta po fàere atentzione, atèndhere a ccn. o a calecuna cosa Sinònimos e contràrios agiudai, amparai, assístere, atèndhere, castiai Frases a chie at coro vonu Deus l'assestit Ètimu spn. assistir Tradutziones Frantzesu assister, aider Ingresu to help Ispagnolu asistir Italianu assìstere, aiutare Tedescu helfen.

«« Torra a chircare