Legenda Abbreviazioni | Legenda Simboli

bàscia , nf: bassa Definizione su cómodu, logu inue in sa domo si faet de bisóngiu; sa belledha o fossu serrau inue si arregollet s'iscàrrigu de is gabbinetos; su muntonedhu de su ladamíngiu de unu, o de un'animale mannu; sa terra impastada po fàere téula / una b. de merda de bòi = una cassa de merda bula Sinonimi e contrari cómudu 1 / fogna, mara, merderi / bassarada, cassa, mafada Frasi candu passu ingunis mi tocat de aguantai súliru, po no mi allupai de fragu de bassa ◊ sa vidha fit chene fognas e solu is sas domos de sos ricos bi fint sas bassas 2. vuca de bàscia, si ti avias sapunau sa vuca prima de lumenare a su carrale! ◊ at postu su pei in d-una bassa cuada asuta de s'arramadura Terminologia scientifica dmo Etimo ctl. bassa Traduzioni Francese cabinets, latrines Inglese loo Spagnolo retrete, letrina Italiano cèsso, latrina Tedesco Abort, Latrine.

basséri , nm, agt Definizione chie tenet s'impreu de imbuidare is bassas, cosa chi oe si faet cun autobbote Sinonimi e contrari limpiabbassas, merderi / indeghile Frasi fizas tuas tant'onore faghent a su furisteri mancari siat basseri, bastu chi sardu no siat (F.I.Mannu) 2. seus atentzionosus po no pònniri a brenti, ma po is fainas nostras basseras lassaus mòrriri is pipius de fàimini! Terminologia scientifica prf Etimo ctl. basser Traduzioni Francese vidangeur, indécent Inglese loo drainer, indecent Spagnolo mondapozos, inconveniente Italiano vuotacèssi, indecènte Tedesco Kloakenreiniger, unanständig.

cacadórju , nm, nf: cacatógiu, cagadógiu, cagadógliu, cagadòrgia, cagadorzu Definizione logu inue si faet de bisóngiu Sinonimi e contrari cómudu Terminologia scientifica dmo Etimo srd. Traduzioni Francese water-closet Inglese loo Spagnolo letrina Italiano cèsso, cacatóio Tedesco Klo.

cómudu 1 , nm: cómuru Definizione logu fatu adatu inue si andhat de corpus; fintzes su bassinu / paperi ’e c. = pabilu a frobbire candho si andhat de su corpus, itl. carta igiènica Frasi apusentu de su cómudu ◊ unu pipiu piticu no dhu podis sètzi in su cómuru ◊ cussu est paperàmini de podi imperai che paperi de cómudu ◊ su cómudu est mellus cun sa cascita de s'àcua in susu o a zàinu in bàsciu? (G.Furcas) Etimo itl. comodo Traduzioni Francese cabinets Inglese loo Spagnolo letrina Italiano cèsso Tedesco Abort.

«« Cerca di nuovo