Ditzionàriu in línia
de sa limba e de sa cultura sarda

bisèra , nf: visera Definizione genia de faciola de linna chi si ponent is mamutzones a carrasegare; istrópiu malu; bregúngia, befa / fàghere a b. = istrupiai, fai a una befa, a bregúngia Sinonimi e contrari allera, arréula, atrecu, befa, ciacota, cionfra, deleu, dellezu, dríngula, iscàranu, mofa, siera Frasi li pariat de aer bidu ómines in pedhes e cun sa bisera in cara 2. no faghes isbàgliu si amore e trabàgliu oferis candho unu bides a bisera (I.Virdis)◊ no est bestidu a lussu e ne a bisera ◊ bona parte de gai l'ant finida: in sas tupas lassèndhebbi sa vida fragassados e fatos a bisera (G.Virdis)◊ nos faghent a bisera ca medas si ndhe afutint de sas lezes ◊ ndhe ant bogadu a Barabba, e a Cristos l'ant fatu a bisera ◊ sas batulinas mi ant fatu su bestire a bisera Etimo itl.t visiera Traduzioni Francese masque Inglese mask Spagnolo máscara Italiano màschera carnevalésca Tedesco eine Faschingsmaskesorte.

caràtza , nf: coratza Definizione css. cosa chi si pòngiat a cuare sa cara, po su prus cun duos istampighedhos po is ogos; muru ananti de su barracu, genia de alabinna Sinonimi e contrari bisera, caravaltza, carota, fachile, facioba 1, frangili, màscara Frasi a mascarare si ponent sa caratza ◊ a su bandhidu che li fit falendhe sa caratza e connotu l'ant ◊ cussu tenet birgonza de su chi est e menzus si ponet sa caratza! ◊ a s'àinu maghinendhe li ponent sa caratza Cognomi e Proverbi smb: Coratza, Corazza Etimo ctl. carassa Traduzioni Francese masque Inglese mask Spagnolo caratula Italiano màschera Tedesco Maske.

caratzàre , vrb: coratzare Definizione pònnere sa caratza o faciola in cara, po no si lassare connòschere (po su malu o fintzes po divertimentu a carrasegare) Sinonimi e contrari afaciolai, ammascherai, carotare, incaratzare | ctr. iscaratzare Etimo srd. Traduzioni Francese masquer, déguiser Inglese to mask Spagnolo disfrazar, enmascarar Italiano mascherare Tedesco maskieren.

caròta , nf: carote, carotza, corota, garota Definizione css. cosa chi si ponet a cuare sa cara; a logos sa corota est sa careta de pònnere in conca Sinonimi e contrari caratza, caravaltza, fachile, facioba 1, frangili / cabbúsciu, careta Frasi chi no dha connoscis dh'as a timi puru: parit de cussas carotas de carnovali! ◊ sa carota chi giughes sentza bafos, dae comente manna e bruta l'as, est digna de sas ficas e de ciafos (P.Mereu)◊ istratza sa carota de cussos bendhuleris chi ti cherent picare a puntorjadas! 2. is pipios a conca si poniant sa corota de pichei Etimo ctl. carota Traduzioni Francese masque Inglese mask Spagnolo careta Italiano màschera Tedesco Maske.

carotàre , vrb: acarotare*, corotare Definizione pònnere sa carota, sa caratza o màschera in cara po no dha connòschere Sinonimi e contrari afaciolai, caratzare | ctr. iscaratzare 2. impupas carotadas s'irghelant in su caminu Traduzioni Francese déguiser Inglese to mask Spagnolo enmascarar, disfrazar Italiano mascherare Tedesco maskieren.

discaràre , vrb rfl Definizione bogare sa cara, lassare bíere sa cara, fàere a bíere Sinonimi e contrari ifatzolare, iscarare Etimo spn. descararse Traduzioni Francese se démasquer Inglese to take off one's mask, to give oneself away Spagnolo desenmascarar Italiano smascherarsi Tedesco sich demaskieren, die Maske abnehmen.

màscara , nf: màschera Definizione persona carotada a carrasegare, mascarandho; sa faciola chi si ponent in divertera; genia de amparu de pònnere a nasu e buca po no lassare passare gasos toscosos (m. antiggàs) o àteru chi noghet, o fintzes po badrare is ogos sardandho / genias de màscara: brutas o butudos (totu iscorriadas, cun corros, intzintziedhadas, bestias cun pedhes de animale e a bisura de animales); límpias (carotadas ma chentza pàrrere cosa mala); màscara de cadhu (nau de unu) = isfaciu; mascaredha = fintzes marioleta, buratinu Sinonimi e contrari trusu / bisera, caratza, carota Frasi los at pretzetaos a ballare chin àteras màscheras, no a solos ◊ si bestit de màscara cun is bestiris de sa mulleri ◊ at bénnidu màscaras a domo, ma no si sunt iscaratzadas a las connòschere ◊ is màscaras bestias de mamutzones, cun casidhos corrudos, càrrigas de sonàgias, faiant fuire su fedighedhu 2. eandhe màscara de cadhu, cussu! Etimo spn. Traduzioni Francese masque Inglese mask, maschera Spagnolo máscara, disfraz Italiano persóna mascherata, màschera Tedesco Maske, Verkleidung, Kostüm, Larve, Maske, Larve.

mascaràre , vrb: ammascherai, mascherai Definizione bistire a màscara, pònnere sa faciola prus che àteru po ispàssiu Sinonimi e contrari carotare, trusare Frasi che sunt mascarendhe, sunt essidos a sos ballos ◊ a bi mascarades ocannu? Etimo srd. Traduzioni Francese masquer, se masquer, se déguiser en (travestirsi da) Inglese to mask Spagnolo disfrazarse Italiano mascherare Tedesco maskieren, verkleidern.

mascaríglia , nf Definizione faciola, cosa chi si ponet po no lassare bíere sa cara: a logos, fintzes fachile po su molente, fatu cun duos istampos po dhu bestire in is origas de s'animale; ispediente po no adduire Sinonimi e contrari màscara / fachile Frasi fit feu che cane: - Malevadadu, naraiat sa zente pibiosa, arratza de mascaríglia chi li at postu sa mama! ◊ bos apo a pònnere una mascaríglia chi azis a pàrrere màscheras de befe! 2. pro annórios ti apo sevadu in s'aficu de un'abboju, ma onzi die fit noa sa mascaríglia Etimo spn. mascarilla Traduzioni Francese masque Inglese mask Spagnolo máscara Italiano màschera Tedesco Maske.

trusàre , vrb Definizione pònnere sa trusa, essire afaciolaos Sinonimi e contrari mascarare | ctr. iscaratzare Frasi a carrasegare sunt dies de trusare ◊ a carrasegare sa pisedhina s'istràviat gioghendhe, a bias trusada ◊ posca de sos impostos, a su secuestradu comintzeint a lu trusare ◊ a carrasegare isse si trusaiat sempre Traduzioni Francese se déguiser Inglese to put on a mask Spagnolo disfrazarse Italiano mascherarsi Tedesco sich verkleiden.

trúsu , nm Definizione chie est bestiu coment'e in carrasegare, persona mascarandho; si narat fintzes coment'e pps. po trusadu Sinonimi e contrari màscara Frasi sunt bestidos de istratzos parent trusos ◊ pro èssere veru trusu, postu si at in piusu subra de sa caratza unu fachile (Limbudu)◊ che trusos de carrasegare, chie bestit bene e chie male 2. fateit paritzas fotografias a frade meu trusu Traduzioni Francese masque Inglese mask Spagnolo máscara, disfraz Italiano màschera Tedesco Maske.