antúnna , nf, nm: antunnu Definizione pan'e corra, genia de erba (upm) chi no portat clorofilla: dhue at calidades, de is chi faent mannas, bonas a papare, àteras toscosas fintzes de fàere mòrrere; faet po su prus unu cambu grussu e curtzu (tanaxi) cun sa conca (o capedhu) cucurúcia a bisura de paracu apertu o de campana, a prupa grussa, lisa in pitzu, coment'e a tiras fines asuta, e in tempus de abba creschet prus che àteru in sa linna morta: dhue at calidades chi dhas coltivant Sinonimi e contrari bulí, cantunna, cardolinu, corrorinu, cucumedhu, feurratzu, tontonniu, tugnu, túvara 1 Frasi ocannu s'antunna che fit a irvarriadura, inoghe ◊ che fimus in antunna ma no ndh'amus àpidu Terminologia scientifica rba, rbzc Traduzioni Francese champignon Inglese mushroom Spagnolo hongo, seta Italiano fungo Tedesco Pilz.

antunnaèra , nf Definizione una de is calidades prus méngius de codrolinu: cardulinu biancu, de petza, tugnu biancu Sinonimi e contrari cardulinubbonu, corrorinebetza, cardulinueru Terminologia scientifica atn, pleurotus eryngii Etimo srd. Traduzioni Francese pleurote du panicaut Inglese king trumpet mushroom Spagnolo seta de cardo Italiano cardarèllo Tedesco Braune Kräuter-Seitling.

carchèra 1 , nf Definizione genia de codrolinu bonu chi assimbígiat a un'ou candho essit (una calidade pagu diferente est velenosa) Terminologia scientifica atn, Amanita caesarea Traduzioni Francese oronge vraie Inglese Caesar’s mushroom Spagnolo seta oronja Italiano òvulo (fungo) Tedesco Kaiserling, Butterpilze.

cardolínu , nm: cardulinu, codrobinu, codrolinu, codrulinu, cordulinu Definizione genia de erba (upm) chi no portat clorofilla, dhue ndhe at calidades bonas a papare e àteras velenosas / in su codrolinu si podet distínghere: sa conca (agiummai sèmpere cucurúcia a bisura de paracu, lisa in pitzu, a tiras fines de atza asuta chi andhant de mesu a s'oru), su tenaghe; calidades de codrolinu: cardulinu de murdegu = zenia de antunnighedha groga suta, minuda, bona, chi faghet in sos mudregarzos (Leccinum corsicum), cardulinu de ílixi (bonu, faghet in fundhales de élighe (Leccinum lepidum), cardulinu de bulletu, de túvara (itl. prataiòlo, Agaricus campestris)= toba, zenia de antunna chi a s'ala de fundhu zughet tizighedhas in colore de rosa, cardulinu de petza o ’eru = antunnaera, tugnu biancu (Pleurotus eryngii), cardulinu de mari = cagalloni istrantaxu, minchemoru, sedhitzi, cardulinu de opinu = zenia de antunna chi faghet suta de sos opinos (Boletus granulatus), cardulinu de padenti o cardulinu grogu = zenia de antunna groga a s'ala de fundhu, in colore de castanza subra, faghet manna (a diferéssia de cussa de mudregu chi li assemizat), est bona (itl. porcino, Boletus edulis, aereus, reticulatus), cardulinu de mata = diferentes zenias de antunna, ma mescamente una calidade bona, minudedha, chi faghet a bàlliu e creschet in sos fundhales prudigados in montes (itl. chiodini, Armillariella mellea) Sinonimi e contrari antunna, bulí, corrorinu, cucumedhu, tontonniu, tugnu, túvara 1 Frasi su logu aundi fait cardolinu Antiogu dhu tenit signalau ◊ cras andaus a su codrobinu Terminologia scientifica rba, rbzc Etimo srd. Traduzioni Francese champignon Inglese mushroom Spagnolo seta (f), hongo Italiano fungo Tedesco Pilz.

corrorinebètza , nm Definizione una de is calidades prus méngius de codrolinu: cardulinu biancu, eru, tugnu biancu Sinonimi e contrari antunnaera, cardulinubbonu, cardulinueru Terminologia scientifica atn, Pleurotus eryngii Etimo srd. Traduzioni Francese pleurote du panicaut Inglese king trumpet mushroom Spagnolo seta de cardo Italiano cardarèllo Tedesco Braune Kräuter-Seitling.

cucumédhu , nm: cugumedhu, cugummedhu Definizione genia de erba chi no portat clorofilla, a calidades bonas po papare ma àteras toscosas: cun custu númene si narat css. genia de codrolinu, ma mescamente sa tuvaredha (itl. prataiòlo) o toba, pruschetotu candho est ancora serrada, essia de pagu; cucumedhu est fintzes cúcuru o punta de monte, sedha / cugumedhu padezonadu = itl. òvolo; cucumedhu de conca = concajoni, cuchedha, cucale, genia de petonadura de fémina Sinonimi e contrari antunna, cardolinu, corrorinu, cucarumedhu, tontonniu, tugnu, túvara 1 / toa 1 Frasi naschent che cugumedhu onzi mamentu: in d-unu sinnu est pienu su sacu ◊ fit collindhe cugumedhu a su coinzolu 2. si petonat cun sa riga in mesu, is pretas e su cucumedhu Terminologia scientifica rbz Traduzioni Francese champignon Inglese mushroom Spagnolo hongo, seta (f) Italiano fungo Tedesco Pilz.

cucuramédhu , nm Definizione cugumedhu padezonadu, genia de codrolinu chi assimbígiat a s'ou: portat in su truncu unu pigiolu biancu chi dh'imbodhigat e creschendho si segat, sa conca o capedhu in colore de s'orrúbiu de s'ou Sinonimi e contrari cachedha Terminologia scientifica atn, Amanita caesarea Etimo srd. Traduzioni Francese oronge Inglese mushroom (ovulus) Spagnolo oronja, amanita de los césares, yema Italiano fungo òvolo, òvolo buòno Tedesco Butterpilz.

óvulu , nm Definizione oighedhu, su sèmene de sa fémina, sa céllula sessuale de sa fémina chi, ingendrada cun su sèmene de su mascu, cumènciat unu fedu nou; genia de cardolinu chi assimbígiat a un'ou po is duos colores chi portat Sinonimi e contrari carchera 1 Terminologia scientifica crn, atn Traduzioni Francese ovule, oronge vraie Inglese ovule, Caesar’s mushroom Spagnolo óvulo Italiano òvulo, òvulo buòno (fungo) Tedesco Eizelle, Ovum, Kaiserling, Butterpilze.

pedhèsca , nf Definizione pedhe morta de mata Sinonimi e contrari coroílixi, pedhegota, pedheluchete, pedhevogu Terminologia scientifica atn, Phellinus igniarius, Fomes fomentarius Etimo srd. Traduzioni Francese amadouvier Inglese bait mushroom Spagnolo hongo yesquero Italiano fungo d'ésca Tedesco falscher Feuerschwamm.

sedhítzi , nm Definizione cagalloni istrantaxu o cardulinu de mari, minca morisca: nada deosi po sa forma e su colore, est una genia de erba o codrolinu longhitu e grussu (ma no lisu), in colore de castàngia Sinonimi e contrari bidhitzini, minchemoru, pidhíciu Terminologia scientifica rba, Cynomorium coccineum Traduzioni Francese cynomorium écarlate, éponge de Malte Inglese maltese mushroom Spagnolo Jopo de lobo, hongo de Malta Italiano fungo di Malta Tedesco Malteser Schwamm.

tòa 1, tòba , nf Definizione una genia de codrolinu, sa túvara de arena, tuveredha o cardulinu de bulletu Sinonimi e contrari cucumedhu, tuvaredha Terminologia scientifica atn, Agaricus campestris Traduzioni Francese psalliote champêtre Inglese field mushroom Spagnolo champiñón, hongo de cepa Italiano fungo prataiòlo Tedesco Wiesenchampignon.

tontonníu , nm, nf: tuntunna, tuntunnina, tuntunniu, tuntunnu Definizione pane de corra, genia de erba chi no portat clorofilla: dhue at calidades, de is chi faent mannas, chi funt bonas a papare, àteras funt toscosas fintzes de fàere mòrrere; faet po su prus unu cambu grussu e curtzu (tanaxi) cun sa conca cucurúcia a bisura de paracu apertu o de campana, a prupa grussa, lisa in pitzu, coment'e a lamas fines asuta, e in tempus de abbas faet prus che àteru in sa linna morta: segundhu sa calidade dha sèmenant po ndhe fàere a bèndhere Sinonimi e contrari antunna*, bulí, cardolinu, corrorinu, cucumedhu, tugnu, tunnunnu, túvara 1 Frasi at atzapatu un'istérrita de feruledha casari e una mola de tuntunnu fríghidu ◊ cussos duos frates sont mortos ca aiant mannicatu tuntunnina Terminologia scientifica rba, rbzc Traduzioni Francese champignon Inglese mushroom Spagnolo hongo, seta Italiano fungo Tedesco Pilz.

túgnu , nm, nf: tunna, tunnio, tunniu, túnniu Definizione genia de erba chi no portat clorofilla, dhue ndh'at calidades bonas a papare e àteras toscosas / in su túnniu si podet distínghere: sa conca (agiummai sèmpere cucurúcia, lisa in pitzu, a tiras asuta), su tenaghe; túnniu de prade = cardulinu de padenti o cardulinu grogu, zenia de antunna groga a s'ala de fundhu, in colore de castanza subra, bona (itl. porcino, Boletus edulis)/ andhare a tunnio, tempus de tunnio = corrorinai, tempus chi essit su codrolinu Sinonimi e contrari antunna*, cardulinu, corrorinu, cucumedhu, tontonniu, túvara 1 Terminologia scientifica rba, rbzc Traduzioni Francese champignon Inglese mushroom Spagnolo hongo, seta Italiano fungo Tedesco Pilz.

tunniàrju , nm Definizione logu ue faet o faent s'antunna, su codrolinu Sinonimi e contrari antunnarzu Etimo srd. Traduzioni Francese champignonnière Inglese mushroom bed Spagnolo setal Italiano fungàia Tedesco Pilzplatz.

tuvarèdha , nf: tuveredha, tuvuledha Definizione una genia de codrolinu, sa túvara de arena Sinonimi e contrari toa 1 Terminologia scientifica atn Traduzioni Francese psalliote Inglese meadow mushroom Spagnolo champiñón, hongo de cepa Italiano fungo prataiòlo Tedesco Wiesenchampignon.

«« Cerca di nuovo