Ditzionàriu in línia
de sa limba e de sa cultura sarda

afilerinàre , vrb Definizione pònnere a filera, prantare matedu (o àteru deasi) o assentare a filera Sinonimi e contrari infilerinare Etimo srd. Traduzioni Francese planter en rangées Inglese to plant in rows Spagnolo plantar en hilera Italiano piantare in filari Tedesco in Reihen pflanzen.

alvuràre , vrb: arborare, arberare, arbulare, arburai, arburare, arvurare, arvuriare Definizione pònnere o prantare a àrbures, a matas; foedhandho de gente, pigaresidha deretu, su si pesare a boghes po cosighedhas, oféndhios o tzacaos: arburai dhu narant fintzes po pesare o fàere a mannu, arburare fintzes in su sensu de pònnere prantau, istrantagiau (a bisura de àrbure) Sinonimi e contrari arburire / artzisare, inchietae Modi di dire csn: arburàresi (nadu de sos cadhos) = pesàresi comente e ritzos, cun sos pes de dainanti in artu; arburai ccn. cosa = pònnere ritza, istantargiare 2. s'achetu est semper marritanne, isconchinanne, annigranne e cricanne de si arburare 3. ti àlvuras de crítica mania sentza ti intendher ne de birde e ne de sicu (G.A.Cossu)◊ su venenu mi àrborat sos nérbios!◊ si m'arvúriat su sàmbene in s'intèndhere cudhu!◊ si àrbulat su cadhu e che betat su mere! 4. su pipiu est nàsciu tzeghixedhu e pensà ca no ndi dh'arburamu (A.Murru)◊ in pratza sunt arburandhe sa tuva po su fogulone Traduzioni Francese border d'arbres, se fâcher Inglese to plant with trees, to lose one's temper Spagnolo arborecer, enarbolar Italiano alberare, inalberarsi Tedesco mit Bäumen bepflanzen, sich aufbäumen.

cagamèngia , nf Definizione genia de matighedha chi faet unu frutu bonu po purga po s'ógiu chi portat; dhu narant a s'istramóniu o ischidabbabbau Sinonimi e contrari ollerícinu, ozuerízine Terminologia scientifica rbc, Ricinus communis Etimo ctl. cagamenja Traduzioni Francese ricin Inglese castor-oil plant Spagnolo ricino Italiano rìcino Tedesco Rizinus.

centràle, centràli , agt, nf: tzentrale Definizione chi est in mesu in mesu; logu inue si produet calecuna cosa chi de cue si mandhat a tantas bandhas (es. elétricu, gasu) Traduzioni Francese central Inglese central, plant Spagnolo central, céntrico, central Italiano centrale Tedesco zentral, Zentrale.

cristallína , nf Definizione genia de erba grassa; a logos narant custu númene a sa birilla de imbidru Terminologia scientifica rba, Mesembryanthemum cristallinum Traduzioni Francese ficoïde glaciale Inglese ice plant Spagnolo planta de hielo, planta cristalina, escarcha Italiano mesembrïàntemo Tedesco Eiskraut.

impiàntu , nm Definizione cuncordu de machinàrios o àteru chi funtzionandho in totu is partes produit calecuna cosa / zenias de i.: de s'abba, de sa lughe, de su gasu Frasi pro s'impiantu de s'abba bi cheret sa leada, chiusinu, contadore, tubbos, issetas, cundhutu de iscàrrigu ◊ at pintatu s’impiantu novu de su casifítziu ◊ in Canali Trotu dhoi ant fatu s'impiantu po isciacuai s'arena Traduzioni Francese installation Inglese plant Spagnolo instalación Italiano impianto Tedesco Anlage.

paltinàre , vrb: pastinare, pastinzare Definizione prantare una bíngia noa; prantare, pesare matas; semenare; in cobertantza, istare a tropu in d-unu logu, istare che prantaos, arraighinaos / p. fàulas = bogai fogu a ccn., pònniri in giru cosas chi no funt, falsidadis contr'a unu Frasi at pastinadu sa binza a bide americana ◊ in s'oru de sa domo bi at pastinadu unu fundhu de bide 2. sos de sos partidos fuint abbarrados pastinados a custa proposta: aiant nadu ca nono, ca no fuit zustu a che chirrare cussos amigos e cumpanzos 3. apo pastinadu aligalza ◊ apo pastinadu unu fiore cun sas raighinas ◊ melone sedulesu pàltino in mesu ’e rena… ◊ unu padr'e cunventu est paltinendhe olia… 4. si ch'est pastinau in su cilleri e no ghirat prus! Cognomi e Proverbi prb: chie at dinare pastinzat binza in sa codina Etimo ltn. pastinare Traduzioni Francese planter la vigne Inglese to plant a vineyard Spagnolo plantar la viña Italiano impiantare la vigna Tedesco einen Weinberg anlegen.

pastinónzu , nm Definizione su prantare o pònnere bíngia noa, logu e die chi si prantat (e si faet festa puru ca agiudant a cambarada) Sinonimi e contrari pastinadura Frasi callàdebbos, custas boghes, parides in pastinonzu! Etimo srd. Traduzioni Francese plantation de nouveau vignoble Inglese new vineyard plant Spagnolo plantación de una viña Italiano impianto di nuòvo vignéto Tedesco Anbau neuen Weinberges.

piantàre , vrb: plantai, prantai, prantare, prantari Definizione nau de prantones, matighedhas o fintzes de prantàgia, pònnere in sa terra trebballada in fossighedhu, in fossu, cun is arraighinas in fundhu bene ammontadas de terra a manera de sighire a crèschere; fintzes semenare, betare su sèmene; pònnere cosa a bisura de mata o palu, fichia in terra de abbarrare firma; rfl. pònnere istrantagiaos, a bisura de mata, in posidura verticale Sinonimi e contrari semenai / ficare, fichire Modi di dire csn: prantare (bide) a fundhu betadu = a pértia furada, sentza ndi dha segai de su fundu; torràresi a prantare (nadu de ccn.)= faisí torra su tallu cun sa ponidura, torrare a comintzare un'impreu apustis de su dannu, de una fura Frasi no s'istodhit un'àrvure annosa pro la piantare in àteru logu! ◊ issu torrat a prantai is matas aundi segat ◊ nonnu aiat prantadu cussa nughe candho fit nàschidu babbu ◊ in cussa terra si podiat prantai fintzes linu ◊ in s'ortu bi prantamus latuca, càule, sèllere 2. pentzat issu a prantai is palus po cuncordai un'arcu 3. medas ant giau una manu de agiudu a Giuanni po si torrare a prantare, ca ndhe dh'iant furau su bestiàmene 4. is piciocos si prantaiant aposta in sa gennighedha de crésia po biere is piciocas deghi essiant ◊ is piciocos cicios in sa muredha si funt prantaos po saludare su preide Etimo ltn. plantare Traduzioni Francese planter Inglese to plant Spagnolo plantar Italiano piantare Tedesco pflanzen.

tíngiu , nm Definizione genia de preughedhu chi ponet a is puntas modhes de is matas Terminologia scientifica crp Etimo srd. Traduzioni Francese pou de San josé Inglese plant louse Spagnolo piojo de las plantas Italiano pidòcchio delle piante Tedesco Blattlaus.