Ditzionàriu in línia
de sa limba e de sa cultura sarda

asseàdu , pps, agt: asseau Definizione de asseare; nau de cosa de papare, chi at pérdiu su sabore bonu Sinonimi e contrari contomosu, cosconosu, istantissu, istantufu, tastosu, tosconosu, tufosu Frasi at iscallau unu cantu de lardu mesu asseau ◊ prommore de Deu, dàdemi unu cantu de pane, peri chi siat asseadu! 2. su frúschiu de sas ballas, su túnchiu de sas sirenas parent ammentos de unu bisu asseadu Terminologia scientifica sbr Traduzioni Francese rance Inglese rancid Spagnolo rancio Italiano ràncido Tedesco ranzig.

asseài, asseàre , vrb: assiai Definizione impudire, pigare fragu o sabore de ogiuseu, sabore malu, nau de cosas de papare grassas Sinonimi e contrari stantissai, tosconare Etimo srd. Traduzioni Francese rancir Inglese to go rancid Spagnolo ranciar Italiano irrancidire Tedesco ranzig werden.

asseónzu , nm Definizione su si fàere asseau, de sabore malu, nau de s'ógiu, de su lardu; est fintzes su fragu de s'ogiuseu de unu pegus mortu, in campu, chi faet fuire is àteros pegos Etimo srd. Traduzioni Francese rancissement Inglese going rancid Spagnolo ranciedad Italiano irrancidiménto Tedesco Ranzigwerden.

contomósu , agt: contumosu Definizione nau de cosa de papare, chi est grassa, de sustàntzia, forte (e po cussu fintzes chi est mala a digirire); chi portat sabore o fragu malu, cóntomu, chi est malu a digirire; nau de su naturale de unu, chi est malu a cumbínchere, tostorrudu, tirriosu Sinonimi e contrari grassu / asseadu, controbbosu, cosconosu, istantissu, istantufu, tastosu, tosconosu, tufosu / contomaxi Modi di dire csn: binu contumosu = binu forte, de grados meda, càlidu; lardu contomosu = lardu grogu e malisaboriu, tropu béciu; fragos contomosos = malos Frasi cuss'àrbure fossis est tropu contomosa ca l'ant betadu contzime ◊ cun pràngiu contomosu sa fruta non porit ammancai po agiurai a digerí! 2. apo atogadu risos ingugliendhe bucones contumosos ◊ no papis sa minestra de presuci ca est contomosa! ◊ sa petza de s'angioni frida dèu dh'agatu contomosa 3. non fiat contumosa donna Minnia, mancai non si fessit amigada cun nemus (I.Lecca) Terminologia scientifica sbr Etimo ltn. contumace(m) Traduzioni Francese rance Inglese rancid Spagnolo rancio Italiano ràncido, indigèsto Tedesco ranzig, schwerverdaulich.

cosconósu , agt Definizione chi dhi andhat sabore (o fintzes arrancu) malu, de cosa passada, chi faet allupare Sinonimi e contrari asseadu, contomosu, istantissu, istantufu, tastosu, tosconosu, tufosu / toscosu Frasi su teracu istaiat cun d-unu bículu de lardu su prus de sas bortas fintzas cosconosu! ◊ ses unu fraghixedhu cosconosu… e ita chi mi betais unu lavativu de cussa cosa, gei mi dhas arràngiat is mocas!… Terminologia scientifica sbr Etimo srd. Traduzioni Francese rance Inglese rancid, suffocating Spagnolo rancio, bochornoso Italiano ràncido, asfissiante Tedesco ranzig, erstickend.

tastósu , agt Definizione chi dhi andhat o tenet calecunu tastu, chi at pérdiu su sabore suo bonu e ndhe at pigau unu légiu Sinonimi e contrari asseadu, contomosu, cosconosu, istantissu, istantufu, tastiu, tosconosu, tufosu Frasi custu binu est trullu e tastosu Etimo srd. Traduzioni Francese rance Inglese rancid Spagnolo rancio Italiano ràncido Tedesco ranzig.

tosconàre , vrb Definizione essire tosconosu, de sabore e fragu malu, coment'e guastandhosi (nau mescamente de su lardu, de s'ógiu porchinu candho si faet grogo); pònnere o pigare toscu Sinonimi e contrari asseai / abbelenare, alluae, atosicai Frasi su lardu si tosconat ◊ s'ozu de s'olia si tramudat de isterzu pro lu chirriare de sa fundhana ca sinono si tosconat Etimo srd. Traduzioni Francese rancir Inglese to go rancid Spagnolo ranciar Italiano irrancidire Tedesco ranzig werden.

tufósu , agt: tuvosu Definizione chi tenet sabore malu, de guastu, de tuvu Sinonimi e contrari asseau, contomosu, cosconosu, istantiadu, istantissu, istantufu, tastosu, tosconosu Terminologia scientifica sbr Etimo srd. Traduzioni Francese rance Inglese rancid Spagnolo rancio Italiano ràncido, vièto Tedesco ranzig.