cantàda , nf Definizione su cantare, ma fintzes sa manera de cantare / c. de sèi = a gara de improvisadores, a sa campidanesa Frasi cantas cantadas fatas in cussas festas! ◊ calincunu at iscritu s'istória de sa cantada campidanesa Etimo srd. Traduzioni Francese action de chanter quelque chose Inglese singing Spagnolo acción de cantar Italiano cantata Tedesco Gesang.

càntara 1 , nf Definizione càntigu o chistionu chi giaet ifadu / ómine de c. = ifadosu Sinonimi e contrari làntara, laredha, mémula, taja Frasi ne portat una de càntara, cussu!… Cognomi e Proverbi smb: Càntara Etimo srd. Traduzioni Francese chant ou parler agaçants Inglese singing Spagnolo cantilena Italiano canto o parlare noióso, stucchévole Tedesco eintöniger Gesang.

cantarólu , agt, nm Definizione chi o chie cantat fatuvatu Sinonimi e contrari cantaredhu 1 Etimo srd. Traduzioni Francese chanteur, celui qui aime chanter Inglese singing Spagnolo cantarín Italiano canterino Tedesco sangeslustig.

cànticu , nm: càntigu Definizione su cantare, su istare cantandho / genias de càntigu: a poesia, a chiterra, a tenore; c. de possè = gara poética Sinonimi e contrari càntida Frasi su cànticu de sa tonca, su murmutu lépiu de sos padentes ammudaos li poniant in s'ànima unu sensu de tristura ◊ l'intendho totaganta die a càntigu ◊ su càntigu sou za est bellu, ca tenet boghe bella ◊ su Cànticu de sos cànticos est de Salomone Traduzioni Francese chant Inglese singing Spagnolo canto Italiano canto Tedesco Gesang.

càntida , nf, nm: càntidu, cantu 5 Definizione su cantare, su istare cantandho Sinonimi e contrari cantaxu, cànticu, cantonzu Frasi deveras, su càntidu no mi donat errichesa e ne onori de gherreri ◊ at ancora in orijas sos càntidos issoro Etimo srd. Traduzioni Francese chant Inglese singing Spagnolo canto Italiano canto Tedesco Gesang.

cuncórdiu , agt, nm: cuncordu Definizione chi est o chi istat in cuncórdia, chi est a su matessi tamanu, totu a un'origa, de sa matessi idea de un'àteru, chi faet o chi andhat impare cun àtere o àtera cosa, chi est apostu, chistiu a dovere; su istare a cumone e acórdiu, in paghe s'unu cun s'àteru; unas cantu personas (cantadores de c.) chi cantant impare a boghe diferente: cuntzertu, tenore (fatu de sa boghe, sa mesaoghe, su contra, su bàsciu) e fintzes su càntidu chi faet; s'oraria chi si donat a sa fidantzada, cosas de sa matessi genia arregortas impare; cosa o chistione po comente arresurtat cuncordada, comente si presentat, po sa bisura chi tenet / mòere su c. = comintzare su càntidu a tenore; is cuncordos = foedhandho de druches o àteru de papare, itl. gli ingrediènti Sinonimi e contrari cuncordiosu / cussertu / cuncódria / cunsonu, cuntratu 1 / assorte | ctr. iscuncordu Frasi si lu chircas, tantu za l'agatas cuncordu a ti fàghere faina!…◊ cussos duos sunt sempre cuncordos, bastus chi siat a fàghere cosa chi lis piaghet! ◊ za lu tenet cuncordu su logu: totugantu betadu apare tenet! ◊ in sa punta de su carru poniaus unu giuali cun duas frucidhedhas cuncodras chi serbiant po giú 2. che deris in dudas mi agatas inoghe cantendhe a cuncordu sos dillos de sa binnennera (G.Fiori)◊ su cuncordu de sos cunfrades a s'iscravamentu cantat su "miserere"◊ a noda de mediana su sulitu in cuncórdiu cun pitiolus e trinitus sonàst Etimo srd. Traduzioni Francese conforme, d'accord, chants chorals (à ténor) Inglese choral singing, in accord Spagnolo concorde, canto coral, configuración Italiano concòrde, unànime, canto corale (a tenores), configurazióne Tedesco übereinstimmend, Choralgesang, Gestaltung.

cunsónu , nm Definizione cuncordu de cantores, su càntidu chi faent; su cunsonare, su torrare paris de una cosa cun àtera Sinonimi e contrari coro 1, cuntratu 1 2. sa peràula depet esser sempre in cunsonu cun sa sustàntzia de sa chistione ◊ su tràgiu signalat finamentra su cunsonu de su poete cun su tenore, cantendhe ◊ intraiat in cunsonu cun sa zente Etimo srd. Traduzioni Francese chœur, chant choral Inglese chorus, choral singing Spagnolo coro, canto coral Italiano còro, canto corale Tedesco Chor, Choralgesang.

«« Cerca di nuovo