Legenda Abbreviazioni | Legenda Simboli

chinchídha , nf: cicidha, cincidha Definizione orrughedhu de cosa alluta chi brínchidat de su fogu, mescamente segundhu sa linna, o de su ferru abbrigau a meda, sardandho a elétricu o fintzes de duos filos nuos cun sa currente candho si benint apare; in cobertantza, unu fàere coment'e bogandho fogu, àrridu, arrennegau Sinonimi e contrari chintidha, cinciriga, cispa, flaria, fraidha, ichinchidha, ischentidha, ischinchiridha, istenchidha, làntica, pispidha, schinchidha, tighinisa Frasi is cicidhas ndi calant apitzus apiodhendi s'arrobba ◊ su ferru cardau fait cincidhas 2. ancu dhi essant cicidhas de buca, de nasu e de ogus! ◊ si bint is facis grogas che sa cera: ghetant is ogus cicidhas de fogu Cognomi e Proverbi smb: Cincidda Etimo ltn. scintilla Traduzioni Francese étincelle Inglese spark Spagnolo chispa Italiano scintilla Tedesco Funke.

cicidhài , vrb: cincidhai Definizione bogare o fàere ischintídhias Sinonimi e contrari cincidhiri, cispai, ischentidhare, ischinchiridhare, scincidhai Frasi su fogu est cincidhendi ◊ su ferru arbigau cincidhat candu su ferreri dhu mallat in s'incódina 2. is caus marinus fatuvatu cincidhant asuta de su soli, acabussendi in s'àcua po piscai Etimo srd. Traduzioni Francese étinceler, scintiller Inglese to spark Spagnolo chispear Italiano far scintille, scintillare Tedesco Funken sprühen.

flaría , nf: fraria Definizione frore de chinisu chi bolat de su fogu Sinonimi e contrari chinchidha, cinciriga, cispa, fradhissa, fraidha, frarissa, ichinchidha, ischinchiridha, istenchidha, làntica, pispidha, schinchidha, tighinisa Frasi custu logu cincidhit flaria! ◊ custu est cinixu o fraria? ◊ su letu est sentza de fai, is forredhus funt prenus de fraria, su logu sentza de isciacuai ◊ muinat fumu e cinisu, pistincat sa fraria ◊ daghi si alluet unu foghillone bolat fraria meda 2. a ingíriu a tui tessint unu mantu po chi mancu una fraria arruat in s'ispina Etimo ltn. flagrare Traduzioni Francese étincelle Inglese spark Spagnolo chispa Italiano scintilla Tedesco Funke (n).

fraídha , nf Definizione biculedhu de cosa alluta chi brínchidat de su fogu, mescamente segundhu sa linna, o de su ferru abbrigau a meda, sardandho a elétricu o fintzes de duos filos nuos cun sa currente candho si benint apare Sinonimi e contrari chinchidha, cinciriga, cispa, flaria, frarissa, ichinchidha, ischinchiridha, istenchidha, làntica, pispidha, schinchidha, tighinisa Frasi sa vida mia est durada coment'e una fraidha de linna ◊ poni calincuna cosa ananti de su fogu ca nd'iscudit sa fraidha atesu! Etimo ltn. favilla Traduzioni Francese étincelle Inglese spark Spagnolo chispa Italiano scintilla Tedesco Funke.

ichinchídha , nf, nm: ischendita, ischentidha, ischindidha, ischindídhia, ischindita, ischinnita, ischinnitza, ischintidha, ischintídhia, ischintídhiu, ischintiza, ischintiridha, ischintridha, ischintzidha, issintidha, istinchídhia Definizione biculedhu de cosa alluta chi brínchidat de su fogu, mescamente segundhu sa linna, o de su ferru abbrigau a meda, o sardandho a elétricu e fintzes de duos filos nuos cun sa currente candho si benint apare chentza passare in d-un’aparíciu Sinonimi e contrari chinchidha, cinciriga, cispa, flaria, fraidha, ischinchiridha, istenchidha, istintidha, làntica, pispidha, schinchidha, scringhidha, tighinisa Frasi sas ischintzidhas de su focu artziabant a chelu ◊ bides in chelu lughendhe un'ispera che ischinnita de diamante ◊ che pedra catzavogu, a su colpu ndhe làmpinat s'ischintidha ◊ su bentu est truvendhe ischintiridhas de fogu ◊ si sulas, framma e ischintizas bolant Etimo ltn. scintilla Traduzioni Francese étincelle Inglese spark Spagnolo chispa Italiano scintilla Tedesco Funke.

tighinísa , nf Definizione orrughedhu de cosa alluta chi brínchidat de su fogu, mescamente segundhu sa linna, o de su ferru abbrigau a meda e pistau a martedhu o fintzes de duos filos nuos cun sa currente candho si benint apare Sinonimi e contrari chinchidha, cinciriga, cispa, flaria, fraidha, ichinchidha, ischinchiridha, istenchidha, pispidha, schinchidha, tzighimisa Traduzioni Francese étincelle Inglese spark Spagnolo chiribita Italiano favilla Tedesco Funke.

«« Cerca di nuovo