Ditzionàriu in línia
de sa limba e de sa cultura sarda

busàre , vrb Definizione girare, furriare, mòvere coment'e a molinadura; trebballare a busa Sinonimi e contrari businare, busitare, girai, musinare 1 Frasi busare sa marrocula ◊ su marroculone fit un'ispetàculu a lu bider busendhe intro de s'apusentu ◊ ballendhe, comare busat che sedatu in sedatajola! 2. pustis isparitzadu, si poniat sas otzeras e si seiat in s'oru de sa ziminera a busare Etimo srd. Traduzioni Francese voltiger Inglese to twirl, to roll Spagnolo revolotear Italiano volteggiare, ruzzolare Tedesco kreisen, rollen.

drínnida , nf: drínnita Definizione su drinnire, su sonu de unas cantu cosas no sèmpere o totus fatas po sonare Sinonimi e contrari drinnia, drinnu, intinnu 1, sonada, tínniu, tínnulu, trínnidu 2. drínnita a s'uricra destra: in bidha mi molestant, drínnita a s'uricra manca: in bidha mi bantant ◊ sas matallas de sas gamas, irbuitatas dae s’erva e dae sa patza, si fint pesatas a drínghitas Etimo srd. Traduzioni Francese tournoiement, vibration Inglese twirl, vibration Spagnolo trino, vibración Italiano prillo, vibrazióne Tedesco Vibration.

dummidàre , vrb Definizione fàere sa dúmida, su zúmiu, girare comente faet sa bardúfola, su fusu, s’ixorbedrama Sinonimi e contrari drinnire, tzugnai, zumiai / rotzulare Etimo srd. Traduzioni Francese tournoyer, pirouetter Inglese to twirl Spagnolo voltear Italiano prillare Tedesco herumdrehen.

rotzulàre , vrb Definizione girare, ballare a molinadura Sinonimi e contrari dummidare Frasi sempre rotzulendhe apas su fusu fintzas a candho s'isperdet sa lana Traduzioni Francese tourner, tournoyer Inglese to twirl Spagnolo girar Italiano prillare Tedesco herumdrehen.