Ditzionàriu in línia
de sa limba e de sa cultura sarda

ammurài, ammuràre , vrb: murai Definizione fàere o pesare muru, serrare a muru / ammurare a sicu = a muru bullu Sinonimi e contrari | ctr. smurai Frasi eus cumentzau a impastai su ciumentu po ammurai s’aposentu nou ◊ sos mastros sunt galu ammurendhe, in sa domo ◊ babbu ammuraiat a sicu 2. pro no bi colare prus neunu che ant ammuradu s'àidu, sa zanna Etimo srd. Traduzioni Francese murer Inglese to wall up Spagnolo tapiar, murar Italiano murare Tedesco mauern.

antemuràle , nm Definizione ispétzia de reparu, òpera de arrefortzu Traduzioni Francese antémural, fortification Inglese defence wall Spagnolo antemural Italiano antemurale Tedesco Vormauer.

contrammúru , nm Definizione asprone, muru chi si faet de diferente betu (a istúturu) po aguantare méngius o ndhe arrefortzare un'àteru Sinonimi e contrari limboro Traduzioni Francese contre-mur Inglese supportin wall Spagnolo contramuro, falsabraga Italiano contromuro Tedesco Stützmauer.

muràche , nm Definizione muru de pedra assentada chentza impastu; a logos fintzes nuraghe Sinonimi e contrari muragadha, murubbullu / nurache* Frasi at tancau sas cussorjas a muraches ◊ si est pasau in d-unu murache Traduzioni Francese mur de pierres sèches Inglese dry wall Spagnolo muro en seco, tapia Italiano muro a sécco Tedesco Trockenmauer.

muragliòne, muragliòni , nm: murallioni, murallone Definizione muru mannu meda, grussu e artu e po su prus fraigau, arretirau a manu a manu chi pesat in artu, fatu po difesa o po agguantare in logu de trèmene artu: famaos is muragliones de Castedhu de susu, chi ancora dhue funt, e de is citades de unu tempus Frasi su campusantu est serrau a murallioni artu Traduzioni Francese muraille Inglese wall Spagnolo muralla, muro Italiano muràglia Tedesco Mauer.

murédhu , nm Definizione min. de muru, muru bàsciu, fine, ma fintzes muredha / pònnere a muredhinu = a zisa de muredhu, de muru (ammurendhe a sa bona) Sinonimi e contrari murichedhu Frasi fit brinchiandhe su muredhu de su cubile 2. n'apo pesadu cussa foga de muru a muredhinu Cognomi e Proverbi smb: Mureddu Traduzioni Francese petit mur Inglese little wall Spagnolo muro bajo Italiano murétto Tedesco kleine Mauer.

múru , nm Definizione genia de fràigu agiummai sèmpere a duas afaciadas (o pinnas) fatu, cun impastu (m. fraigau) o chentza impastu (murubbullu), assentandho bene (no sèmpere a lentza e a prumu) pedra, brochetos, matone o àteru, a manera de serrare e agguantare pesu / min. muredhu, murigedhu, murixedhu Modi di dire csn: m. fràigu = muru fatu cun impastu; m. púrdiu = mururdu, muru bullu, fatu cun pedra chentza impastu, muru sicu; m. imberritadu, incobertinadu: acabbau cun pedras longas cantu est largu; m. maistu = su chi rezet prus pesu; m. de fora, de mesu = muru chi faghet fatzada a fora, muru intro de domo intremesu de duos aposentos; m. falsu = tramesu fatu a tàulas o cun àteru materiale de gai; m. traessu = traessa; pesai o pesàrendhe unu m. = istrantaxai, fai unu muru; foga o barra de m. = barrela, tretu o parti de unu muru arruendindi o arruta; m. rumbosu = a gobba, tzedindhe; incrostai unu m. = dàreli una prima manu de intúnigu; arrebbussai unu m. = intunigare in fine, dàreli s'úrtima manu; intrare su m. = fai su muru artziendi e tirendi prus aintru, acomenti si fait po is muràglias, po murus chi depint aguantai a una parti po no smuronai sa terra; intràreche unu m. = fai unu muru de làcana (pruscatotu me in s'arruga) prus aintru a manera de lassai s'arruga prus larga; su m. si oberit, si filat, si fait a brenti, tzumburudu, ndi arruit; m. tzumburudu = fatu male, totu a gobbas; no istare ne in m. e ne in zanna = cosa chentza zudu, chi no andhat bene de peruna manera, chi no tenit sétiu; èssere a m. in mesu = bíviri a muru apari, tènnere sa domo unu a costazu de sa ’e s'àteru, èssere lacanantes, nadu semper de domos, de cortiles, de possessos; cuare una cosa in sete pizos, in sete piza de m. = bèni meda de no dha pòdiri agatai; learesila muru muru = pigaisidha in cudhu logu; andhare muru muru = ororu de muru; fuedhai, nàrrere a su m. = samunare sa conca a s'àinu, faedhare a chie no iscurtat, in debbadas; erba de murus = erba de santa Palónia, de arrugas, crispus (Erigeron canadensis); tela de muru = tallaranis; danna, giana, gianna, tana de muru = annaemele Frasi su muru bene pesadu faghet bellesa e onore ◊ unu muru male frabbicau podet orrúere dae fundhamentu ◊ est fabbrichendi su stari a murumesu cun su stangu ◊ s'abba est falendhe de sa terratza a coras muru muru ◊ unu muru de traessa faghet pesendhe e ritirendhe a intro a manera de rèzere prus ispinta 2. bai e pigadidha muru muru! ◊ a ti rispondher no bido su tantu puite est a lu nàrrere a su muru! (A.Piredda) Cognomi e Proverbi smb: (De)muru, Muru Terminologia scientifica dmo Etimo ltn. murus Traduzioni Francese mur Inglese wall Spagnolo muro Italiano muro Tedesco Mauer.

paràda , nf: parata 1 Definizione unu muru po comente si paret, a un'ala, una pinna, un'afaciada Sinonimi e contrari muru Frasi fagheit trèmere sas cassarolas apicadas a sas paradas de sa cughina ◊ istat in domo chin paratas e pamentos luchentes Traduzioni Francese mur, paroi Inglese wall Spagnolo pared Italiano paréte Tedesco Wand.