Legenda Abbreviazioni | Legenda Simboli

acódriu , nm: acóldiu, acoldu, acórdiu, acordu Definizione su si agatare de sa matessi idea de un’àteru in calecuna cosa, su decídere calecuna cosa in duos o medas; genia de cuntratu po fàere unu trebballu, serbire a unu mere; terrenu afitau a pàsculu, su pàsculu / annu de acódriu = sa durada de un'annu de unu cuntratu de terachiu Sinonimi e contrari abbatu 2, acómodu, convéniu, patu, terachia | ctr. disacórdiu Frasi una poriga de pastoris a acódriu depit pigai e bit ca de brobeis ndi procurat!◊ a bortas su nonnu e sa nonna si ponent de acordu po dha pigare a cumone, sa cadenatza ◊ un'ómine bolet custa fémina a isposa ma issa no est de acórdiu ◊ is sordaos, de acórdiu, si fiant furriaos totu ◊ su massaju cun su sabbateri faiat s’acodru de is crapitas 3. faiat su pastore cun d-una cincuantina de berbès, ma cantu pagàt s'acórdiu no dhi coigiàt nudha Etimo itl. Traduzioni Francese accord Inglese agreement Spagnolo acuerdo Italiano accòrdo, intésa Tedesco Einigung, Abkommen.

agiústu , nm: azustu Definizione su agiustare; genia de cuntratu, de acórdiu Sinonimi e contrari acódriu, agiustamentu, agiustera, convéniu Modi di dire csn: leare o fàghere a s'agiustu = leare a iscarada; ómines de azustu = cussos chi períssiant carchi cosa pro istabbilire un'iscàmbiu, un'acordu 2. s'agiustu chi tenia cun cudhu dhu torru a fai cun tui ◊ si picant su messonzu a s'azustu ◊ candu femu acordau, po agiustu babbu cun su meri istabbiliat ca mi depiat mandai a domu una borta a sa cida ◊ tratant is agiustus e cuncordant su de fai Etimo srd. Traduzioni Francese accord, convention Inglese convention, agreement Spagnolo acuerdo Italiano accòrdo, convenzióne Tedesco Übereinstimmung, Übereinkommen.

audènte , agt Definizione adduidore, chi adduit, chi est de acórdiu Frasi afina su pessamentu e ti as a ammentare chi issa puru fit audente Traduzioni Francese consentant Inglese consentient Spagnolo de acuerdo Italiano consenziènte Tedesco zustimmend.

cuncodrài , vrb: cuncoldare, cuncoldiare, cuncordai, cuncordare, cuncordiare Definizione pònnere de acórdiu, èssere o andhare de acórdiu, àere o èssere in is matessi ideas s’unu cun s’àteru; su si aprontare, o preparare a una cosa de una manera chi potzat andhare bene po calecunu bisóngiu, a fàere una faina, po essire, fàere bella figura o àteru / cuncordai su santu = pònnere a postu, ammanitzare su santu pro sa festa Sinonimi e contrari acodrare, adatai, apariciai, armudiai, codrimingiài, cumbinare, cumbínchere, cumpòniri, cunsertare, cuntratare, incabizonare, oldinzare / allaputzai, allepuritzare, chinchinnare, mudai | ctr. iscunsertare, scuncodrai Frasi si cuncordamus in su prétziu, mi la còmporo deo cussa domo ◊ si maridu e muzere no cuncordant apare comente faghent a contivizare sa famíllia? ◊ is duas sorris biviant in sa própiu intrada ma non cuncodrànt ◊ po cantai tocat a cuncordai su sonu de is boxis ◊ a isse no che lu cuncordas, no, a su chi cheres tue! 2. cuncodrai sa mesa po prandi ◊ at cuncordau po nci essiri a su sartu ◊ aiat cuncordiadu unu bellu faellardu ◊ cuncordadí un'iscala po artziai a ingunis ◊ cuncordadha tui una màchina cument'e cussa! 3. a Bidhegrésia dh'ant tzerriada de aici po cussu biaxu de bellas crésias chi dha cuncordant ◊ ita bandera de corrus chi ti ant a cuncordai!…◊ si cuncordat bèni e nci essit a giru Cognomi e Proverbi prb: in s'interi chi sa bella si cuncordat, sa lègia si est giai cojada Etimo itl. Traduzioni Francese s'accorder Inglese to agree on Spagnolo ponerse de acuerdo, concordar Italiano concordare, compórre, configurare Tedesco vereinbaren, zusammensetzen.

cuntzèta , nf Definizione acórdiu fatu chentza ndhe giare a ischire a neune àtere Traduzioni Francese entente secrète Inglese secret accord Spagnolo acuerdo secreto Italiano intésa segréta Tedesco heimliches Einverständnis.

«« Cerca di nuovo