Legenda Incurtzaduras | Legenda Sìmbulos

acódriu , nm: acóldiu, acoldu, acórdiu, acordu Definitzione su si agatare de sa matessi idea de un’àteru in calecuna cosa, su decídere calecuna cosa in duos o medas; genia de cuntratu po fàere unu trebballu, serbire a unu mere; terrenu afitau a pàsculu, su pàsculu / annu de acódriu = sa durada de un'annu de unu cuntratu de terachiu Sinònimos e contràrios abbatu 2, acómodu, convéniu, patu, terachia | ctr. disacórdiu Frases una poriga de pastoris a acódriu depit pigai e bit ca de brobeis ndi procurat!◊ a bortas su nonnu e sa nonna si ponent de acordu po dha pigare a cumone, sa cadenatza ◊ un'ómine bolet custa fémina a isposa ma issa no est de acórdiu ◊ is sordaos, de acórdiu, si fiant furriaos totu ◊ su massaju cun su sabbateri faiat s’acodru de is crapitas 3. faiat su pastore cun d-una cincuantina de berbès, ma cantu pagàt s'acórdiu no dhi coigiàt nudha Ètimu itl. Tradutziones Frantzesu accord Ingresu agreement Ispagnolu acuerdo Italianu accòrdo, intésa Tedescu Einigung, Abkommen.

agiústu , nm: azustu Definitzione su agiustare; genia de cuntratu, de acórdiu Sinònimos e contràrios acódriu, agiustamentu, agiustera, convéniu Maneras de nàrrere csn: leare o fàghere a s'agiustu = leare a iscarada; ómines de azustu = cussos chi períssiant carchi cosa pro istabbilire un'iscàmbiu, un'acordu 2. s'agiustu chi tenia cun cudhu dhu torru a fai cun tui ◊ si picant su messonzu a s'azustu ◊ candu femu acordau, po agiustu babbu cun su meri istabbiliat ca mi depiat mandai a domu una borta a sa cida ◊ tratant is agiustus e cuncordant su de fai Ètimu srd. Tradutziones Frantzesu accord, convention Ingresu convention, agreement Ispagnolu acuerdo Italianu accòrdo, convenzióne Tedescu Übereinstimmung, Übereinkommen.

audènte , agt Definitzione adduidore, chi adduit, chi est de acórdiu Frases afina su pessamentu e ti as a ammentare chi issa puru fit audente Tradutziones Frantzesu consentant Ingresu consentient Ispagnolu de acuerdo Italianu consenziènte Tedescu zustimmend.

cuncodrài , vrb: cuncoldare, cuncoldiare, cuncordai, cuncordare, cuncordiare Definitzione pònnere de acórdiu, èssere o andhare de acórdiu, àere o èssere in is matessi ideas s’unu cun s’àteru; su si aprontare, o preparare a una cosa de una manera chi potzat andhare bene po calecunu bisóngiu, a fàere una faina, po essire, fàere bella figura o àteru / cuncordai su santu = pònnere a postu, ammanitzare su santu pro sa festa Sinònimos e contràrios acodrare, adatai, apariciai, armudiai, codrimingiài, cumbinare, cumbínchere, cumpòniri, cunsertare, cuntratare, incabizonare, oldinzare / allaputzai, allepuritzare, chinchinnare, mudai | ctr. iscunsertare, scuncodrai Frases si cuncordamus in su prétziu, mi la còmporo deo cussa domo ◊ si maridu e muzere no cuncordant apare comente faghent a contivizare sa famíllia? ◊ is duas sorris biviant in sa própiu intrada ma non cuncodrànt ◊ po cantai tocat a cuncordai su sonu de is boxis ◊ a isse no che lu cuncordas, no, a su chi cheres tue! 2. cuncodrai sa mesa po prandi ◊ at cuncordau po nci essiri a su sartu ◊ aiat cuncordiadu unu bellu faellardu ◊ cuncordadí un'iscala po artziai a ingunis ◊ cuncordadha tui una màchina cument'e cussa! 3. a Bidhegrésia dh'ant tzerriada de aici po cussu biaxu de bellas crésias chi dha cuncordant ◊ ita bandera de corrus chi ti ant a cuncordai!…◊ si cuncordat bèni e nci essit a giru Sambenados e Provèrbios prb: in s'interi chi sa bella si cuncordat, sa lègia si est giai cojada Ètimu itl. Tradutziones Frantzesu s'accorder Ingresu to agree on Ispagnolu ponerse de acuerdo, concordar Italianu concordare, compórre, configurare Tedescu vereinbaren, zusammensetzen.

cuntzèta , nf Definitzione acórdiu fatu chentza ndhe giare a ischire a neune àtere Tradutziones Frantzesu entente secrète Ingresu secret accord Ispagnolu acuerdo secreto Italianu intésa segréta Tedescu heimliches Einverständnis.

«« Torra a chircare