Legenda Abbreviazioni | Legenda Simboli

abbréngulu , nm Definizione cosa chi si narat o chi si faet a s'àteru coment'e singiale de istima, de amore; cosa po giogare Sinonimi e contrari ammaghiúcuru, carigna, crochitzone, imbímbinu, losinga, marieta / abbrédhulu, ciogu, gioghitu Frasi cussa criatura leat s'abbréngulu 2. bellu abbréngulu s'atómica, mih, a isfàghere su mundhu!…◊ mirades cun cumpassione cudhu pitzinnu chi ispendhet in giogos e abbréngulos cudhu dinari chi diat pòdere ispèndhere in cosas útiles Etimo srd. Traduzioni Francese caresse Inglese caress Spagnolo caricia, mimo Italiano carézza Tedesco Liebkosung.

carígna , nf, nm: carinna, carignu, caríngia, caríngiu, carínnia, carínniu, carinnu Definizione ammostu o singiale de amore fatu in cunfidàntzia (a gente de domo, a is pipios, àteros): prus che àteru una tocada lébia, passada de manu in pitzu, in cara, a lébiu a lébiu, a allisadura Sinonimi e contrari abbréngulu, ammaghiúcuru, carenu, imbímbinu, losinga, marieta, pibia / carignamentu Frasi donamí unu carignu, su sposu miu! ◊ ti apo acollidu atzetendhe durcuras e carinnos ◊ babbu e mamma faghent pibios e carinnos a sos fizos ◊ cussa caríngia de bentu ti at fatu intrai su frius ◊ sos carignos ti siant beneitos! ◊ mai betes carignu a fémina trasulera! ◊ passat e torrat a passare sa manu coment'e carinnas in sa corda acadhighinada ◊ sa boxi de tziu Sadurru parit una carínnia candu fuedhat is bacas Etimo spn. cariño Traduzioni Francese caresse Inglese caress Spagnolo caricia Italiano carézza Tedesco Liebkosung.

frandigadúra , nf: frannigadura Definizione su frandhigare, su pigare a frandhigos Sinonimi e contrari frandhigu, losinga Frasi sa doma si cumentzat cun sa frandigadura de is animalis Etimo srd. Traduzioni Francese action de caresser Inglese caressing Spagnolo caricia Italiano accarezzaménto Tedesco Liebkosen, Liebkosung.

ingríllu , nm Sinonimi e contrari frandhigu, losinga Frasi candu dhi at nau ita totu depiat fai, est torrada a is ingrillus e a is carignus, po dhu pòdiri indusi ◊ apu a messai ingrillus e prexu in tancas de luxi… Etimo srd. Traduzioni Francese cajolerie, caresse Inglese caress, simpering Spagnolo caricia Italiano moina, carézza Tedesco Hätschelei, Liebkosung.

«« Cerca di nuovo