Ditzionàriu in línia
de sa limba e de sa cultura sarda

abbréngulu , nm Definizione cosa chi si narat o chi si faet a s'àteru coment'e singiale de istima, de amore; cosa po giogare Sinonimi e contrari ammaghiúcuru, carigna, crochitzone, imbímbinu, losinga, marieta / abbrédhulu, ciogu, gioghitu Frasi cussa criatura leat s'abbréngulu 2. bellu abbréngulu s'atómica, mih, a isfàghere su mundhu!…◊ mirades cun cumpassione cudhu pitzinnu chi ispendhet in giogos e abbréngulos cudhu dinari chi diat pòdere ispèndhere in cosas útiles Etimo srd. Traduzioni Francese caresse Inglese caress Spagnolo caricia, mimo Italiano carézza Tedesco Liebkosung.

ammelindràre , vrb: ammilindrae, ammilindrai, ammilindrare, melindrare Definizione pigare (unu pipiu, unu minore) a milindras, a denghes, a frandhigos Sinonimi e contrari addengae, dangherare, imberriare, imbimbinare Etimo srd. Traduzioni Francese caresser, cajoler Inglese to caress Spagnolo acariciar, halagar Italiano carezzare, vezzeggiare Tedesco schmeicheln, hätscheln.

carígna , nf, nm: carinna, carignu, caríngia, caríngiu, carínnia, carínniu, carinnu Definizione ammostu o singiale de amore fatu in cunfidàntzia (a gente de domo, a is pipios, àteros): prus che àteru una tocada lébia, passada de manu in pitzu, in cara, a lébiu a lébiu, a allisadura Sinonimi e contrari abbréngulu, ammaghiúcuru, carenu, imbímbinu, losinga, marieta, pibia / carignamentu Frasi donamí unu carignu, su sposu miu! ◊ ti apo acollidu atzetendhe durcuras e carinnos ◊ babbu e mamma faghent pibios e carinnos a sos fizos ◊ cussa caríngia de bentu ti at fatu intrai su frius ◊ sos carignos ti siant beneitos! ◊ mai betes carignu a fémina trasulera! ◊ passat e torrat a passare sa manu coment'e carinnas in sa corda acadhighinada ◊ sa boxi de tziu Sadurru parit una carínnia candu fuedhat is bacas Etimo spn. cariño Traduzioni Francese caresse Inglese caress Spagnolo caricia Italiano carézza Tedesco Liebkosung.

carignài , vrb: acarignai, carignare, carinnare, carinniai Definizione pigare a carignos, istare castiandho cun atentzione e praxere sa persona istimada Sinonimi e contrari acarissiai, ammorare, frandhigare, imbimbinare Frasi si setzit, mi carignat, si riparat in bratzos mios ◊ unu bentu lébiu lébiu ti fait intendi cument'e unu fruscinamentu chi cument'e un'anninnia ti carignat ◊ ti mi astringhes a sinu e mi carignas, mi nínnigas, mi cantas e mi apentas (G.Sini)◊ su beranu paret carignadu de sole e chelos giaros ◊ sa mama carignàt su pipiu passendidhi lébia sa manu in sa faci sudada e abboboscada po sa callentura Etimo srd. Traduzioni Francese caresser Inglese to caress Spagnolo cariciar Italiano accarezzare Tedesco liebkosen.

frandhigàre , vrb: frandigai, frannicare, frannigare Definizione fàere frandhigos, pigare a losinga (comente si faet fintzes a un'animale po dh'apaghiare, o a unu po ndhe aprofitare) Sinonimi e contrari acarignai, allisai, allosingai, improsae, insabonai, lígnere Frasi si sa boxi mia po pagu intendiat súbbitu curriat po mi frandigai (L.Matta)◊ fiat acostau totu frandiga frandiga a su molenti traitori ◊ est unu gatu masedu chi si fait frandigai ◊ no ti nd'importat nudha, a tui, de mei, e immoi benis a mi frandigai?! ◊ cun megus frànnicat pagu! Traduzioni Francese caresser, cajoler Inglese to caress Spagnolo acariciar Italiano carezzare Tedesco liebkosen.

imbimbinàre , vrb: imbimbrinai, imbrimbinai Definizione portare imbrímbinus, pigare a imbérrios, tropu a frandhigos, comente si faet cun is pipios; essire imberriados Sinonimi e contrari acarignae, acarissiai, addengai, ammelindrare, annenneriai, dangherare, imberriare, imbrambuai, losingai Etimo srd. Traduzioni Francese cajoler Inglese to caress Spagnolo lisonjear Italiano vezzeggiare Tedesco hätscheln.

ingríllu , nm Sinonimi e contrari frandhigu, losinga Frasi candu dhi at nau ita totu depiat fai, est torrada a is ingrillus e a is carignus, po dhu pòdiri indusi ◊ apu a messai ingrillus e prexu in tancas de luxi… Etimo srd. Traduzioni Francese cajolerie, caresse Inglese caress, simpering Spagnolo caricia Italiano moina, carézza Tedesco Hätschelei, Liebkosung.

solingài, solingàre , vrb Definizione pigare a frandhigos Sinonimi e contrari allosingai* Frasi su preitzosu bollit puntu e no solingau ◊ sa lumera amica mi solingat in sos seros (P.Boy)◊ sos batulinos si acúrtziant ca cherent a los solingare Traduzioni Francese caresser Inglese to caress Spagnolo acariciar Italiano accarezzare Tedesco streicheln.