Ditzionàriu in línia
de sa limba e de sa cultura sarda

abbréngulu , nm Definitzione cosa chi si narat o chi si faet a s'àteru coment'e singiale de istima, de amore; cosa po giogare Sinònimos e contràrios ammaghiúcuru, carigna, crochitzone, imbímbinu, losinga, marieta / abbrédhulu, ciogu, gioghitu Frases cussa criatura leat s'abbréngulu 2. bellu abbréngulu s'atómica, mih, a isfàghere su mundhu!…◊ mirades cun cumpassione cudhu pitzinnu chi ispendhet in giogos e abbréngulos cudhu dinari chi diat pòdere ispèndhere in cosas útiles Ètimu srd. Tradutziones Frantzesu caresse Ingresu caress Ispagnolu caricia, mimo Italianu carézza Tedescu Liebkosung.

ammelindràre , vrb: ammilindrae, ammilindrai, ammilindrare, melindrare Definitzione pigare (unu pipiu, unu minore) a milindras, a denghes, a frandhigos Sinònimos e contràrios addengae, dangherare, imberriare, imbimbinare Ètimu srd. Tradutziones Frantzesu caresser, cajoler Ingresu to caress Ispagnolu acariciar, halagar Italianu carezzare, vezzeggiare Tedescu schmeicheln, hätscheln.

carígna , nf, nm: carinna, carignu, caríngia, caríngiu, carínnia, carínniu, carinnu Definitzione ammostu o singiale de amore fatu in cunfidàntzia (a gente de domo, a is pipios, àteros): prus che àteru una tocada lébia, passada de manu in pitzu, in cara, a lébiu a lébiu, a allisadura Sinònimos e contràrios abbréngulu, ammaghiúcuru, carenu, imbímbinu, losinga, marieta, pibia / carignamentu Frases donamí unu carignu, su sposu miu! ◊ ti apo acollidu atzetendhe durcuras e carinnos ◊ babbu e mamma faghent pibios e carinnos a sos fizos ◊ cussa caríngia de bentu ti at fatu intrai su frius ◊ sos carignos ti siant beneitos! ◊ mai betes carignu a fémina trasulera! ◊ passat e torrat a passare sa manu coment'e carinnas in sa corda acadhighinada ◊ sa boxi de tziu Sadurru parit una carínnia candu fuedhat is bacas Ètimu spn. cariño Tradutziones Frantzesu caresse Ingresu caress Ispagnolu caricia Italianu carézza Tedescu Liebkosung.

carignài , vrb: acarignai, carignare, carinnare, carinniai Definitzione pigare a carignos, istare castiandho cun atentzione e praxere sa persona istimada Sinònimos e contràrios acarissiai, ammorare, frandhigare, imbimbinare Frases si setzit, mi carignat, si riparat in bratzos mios ◊ unu bentu lébiu lébiu ti fait intendi cument'e unu fruscinamentu chi cument'e un'anninnia ti carignat ◊ ti mi astringhes a sinu e mi carignas, mi nínnigas, mi cantas e mi apentas (G.Sini)◊ su beranu paret carignadu de sole e chelos giaros ◊ sa mama carignàt su pipiu passendidhi lébia sa manu in sa faci sudada e abboboscada po sa callentura Ètimu srd. Tradutziones Frantzesu caresser Ingresu to caress Ispagnolu cariciar Italianu accarezzare Tedescu liebkosen.

frandhigàre , vrb: frandigai, frannicare, frannigare Definitzione fàere frandhigos, pigare a losinga (comente si faet fintzes a un'animale po dh'apaghiare, o a unu po ndhe aprofitare) Sinònimos e contràrios acarignai, allisai, allosingai, improsae, insabonai, lígnere Frases si sa boxi mia po pagu intendiat súbbitu curriat po mi frandigai (L.Matta)◊ fiat acostau totu frandiga frandiga a su molenti traitori ◊ est unu gatu masedu chi si fait frandigai ◊ no ti nd'importat nudha, a tui, de mei, e immoi benis a mi frandigai?! ◊ cun megus frànnicat pagu! Tradutziones Frantzesu caresser, cajoler Ingresu to caress Ispagnolu acariciar Italianu carezzare Tedescu liebkosen.

imbimbinàre , vrb: imbimbrinai, imbrimbinai Definitzione portare imbrímbinus, pigare a imbérrios, tropu a frandhigos, comente si faet cun is pipios; essire imberriados Sinònimos e contràrios acarignae, acarissiai, addengai, ammelindrare, annenneriai, dangherare, imberriare, imbrambuai, losingai Ètimu srd. Tradutziones Frantzesu cajoler Ingresu to caress Ispagnolu lisonjear Italianu vezzeggiare Tedescu hätscheln.

ingríllu , nm Sinònimos e contràrios frandhigu, losinga Frases candu dhi at nau ita totu depiat fai, est torrada a is ingrillus e a is carignus, po dhu pòdiri indusi ◊ apu a messai ingrillus e prexu in tancas de luxi… Ètimu srd. Tradutziones Frantzesu cajolerie, caresse Ingresu caress, simpering Ispagnolu caricia Italianu moina, carézza Tedescu Hätschelei, Liebkosung.

solingài, solingàre , vrb Definitzione pigare a frandhigos Sinònimos e contràrios allosingai* Frases su preitzosu bollit puntu e no solingau ◊ sa lumera amica mi solingat in sos seros (P.Boy)◊ sos batulinos si acúrtziant ca cherent a los solingare Tradutziones Frantzesu caresser Ingresu to caress Ispagnolu acariciar Italianu accarezzare Tedescu streicheln.