connoscéntzia, connoschéncia , nf: (con-no-schén-ci-a) connoschénscia, connoschéntzia, connoschéssia, connosséncia Definizione su connòschere, nau mescamente foedhandho de personas Sinonimi e contrari connoscantza / cdh. cunnisciéntzia Modi di dire csn: èssere in connoschéntzia cun ccn. = èssere in óbbrigu, a su bisonzu, de si azuare paribari; èssere foras de c. = dimajau, chi at pérdidu sos atuamentos Frasi - Piaghere de sa connoschéntzia! - Piaghere meu! ◊ in su chi est a connoschéssia mia soe prontu a ti azudare ◊ tenia pagu connoschéncia de meighinas ◊ candu si fait connoscéntzia si domandat sempri: De innui funt, in gràtzia? 2. apo agatau a babbu in terra foras de connoschéntzia, apena s'intendhet su respiru Etimo srd. Traduzioni Francese connaissance Inglese knowledge Spagnolo conocimiento, conocido Italiano conoscènza Tedesco Kenntnis.

connoschènte , nm, nf Definizione persona chi si connoschet e chi si dhue tenet cunfidàntzia Frasi ant iscorjau s'animale, l'ant fatu a cantos e partiu a sos connoschentes ◊ a Pasca mandhant sas casadinas a sas connoschentes ◊ in caminu imbenit unu connoschente, l'arreghet e li nat cosa Traduzioni Francese connaissance Inglese acquaintance Spagnolo conocido Italiano conoscènte Tedesco Bekannte.

connótu , pps, agt, nm Definizione de connòschere; chi si connoschet, lu connoschent; sa cosa de o comente fit unu tempus / male chena connotu = chi no l'ant ischidu o pótidu connòschere, chi no ischint ite male est Sinonimi e contrari connóschidu / cdh. cunnotu Frasi bisonzu no ndhe at connotu e pro cussu no ndhe cussiderat ◊ dh'apu connotu de sa primu dí chi est benniu! ◊ cussa cosa l'apo sempre connota cue ◊ su piciochedhu in domu de sa bírdia at connotu fàmini e frius 2. custa est zente connota, no bi at de timire 3. s’órdini púbbricu fiat su de sa traditzioni, su connotu ◊ no ti bendhas su connotu! Traduzioni Francese connu Inglese well-known Spagnolo conocido Italiano conosciuto Tedesco bekannt.

nodídu, nódidu , agt: nodiu, nódiu, nóidu, noriu, nótitu, notitu, nótiu, nudiu Definizione chi est connotu, famau, chi s'ischit; chi est de calidades bonas; su chi praghet de prus, su preferiu, istimau meda Sinonimi e contrari connotu, distintu, famadu, noditzau / fentomadu, nídidu, signaladu Modi di dire csn: die nódida = de festa; nodidu a totus = chi dhu scint totus; giúchere una cosa a nótitu = a notu, marcaresila, ammentàrela Frasi ciai est nodiu ca est unu bravu giòvunu ◊ custas sunt cosas nódias e sinnaladas ◊ cantant tzivilidades nótias a sos mannos bénnias dae mare e pérdias in caminu (N.Trunfio) 2. no ti apo mai dadu unu fiore, mancu in die nodida pro ammentu ◊ sezis gasi acorrutadas pro calchi bonu maridu o calchi fizu nodidu? ◊ fut totu genti nodia ◊ prenda mia noria, chini ti at aciotau?! Etimo srd. Traduzioni Francese connu, distingué, préféré Inglese well-known, favourite, valuable, refined Spagnolo conocido, preciado, distinguido, predilecto Italiano nòto, pregévole, distinto, predilètto Tedesco bekannt, berühmt, Lieblings…

«« Cerca di nuovo