Legenda Abbreviazioni | Legenda Simboli

babbarrótu , nm: bobborotu, bobborroti, bobborrotu, bobborrotzi Definizione fèlega, genia de bobboi niedhudu chi faet in logos de umidore, mescamente aintru de domo inue essit a denote, de colore agiummai niedhu / bobborrotu de balla = aberigúngia Sinonimi e contrari babbasaju, brabeta, buvone, cadalana, candhulitu, garrapiu 1, melaghe, partabúdiga, patedha, paulina, sasàgia, scarfajoni, súliga Frasi sos bobborrotos si firmabant e lassabant su trabballu ◊ su gorropu est unu furriadorzu de istrias, acoilat bobborrotis e tirpias ◊ bi ndh'at de bobborrotzis in su padente!… Terminologia scientifica crp, blatta orientalis Etimo srd. Traduzioni Francese blatte Inglese beetle Spagnolo escarabajo, cucaracha Italiano scarafàggio Tedesco Küchenschabe, Kakerlak, Schabe.

babbasàju, babbasàu , nm Definizione genia de bobboi niedhudu chi faet fintzes in is domos si dhue at umidore, asuta de is móbbiles Sinonimi e contrari babbalocu, babbarrotu, buvone, cadalana, fèlega, garrapiu 1, melaghe, partabúdiga, paulina, perta, sasàgia, scarfajoni, súliga Terminologia scientifica crp, blatta orientalis Etimo srd. Traduzioni Francese blatte Inglese cockroach Spagnolo escarabajo, cucaracha Italiano blatta, scarafàggio Tedesco Küchenschabe, Kakerlak, Schabe.

partabúdiga , nf: pertabúdiga, petabúdica, petabúdida, petabúdiga, pretabúdida Definizione genia de bobboi de colore agiummai niedhu chi faet in is domos si dhue at umidore, in tretu iscurosu Sinonimi e contrari apeta, babbalocu, babbarrotu, babbasaju, brabeta, buvone, cadalana, candhulitu, fèlega, gríglia, patedha, paulina, perta, sasàgia, scarfajoni, súliga Frasi ses una petabúdida ischifosa, niedha e putzinosa! ◊ tui no ti fetzas bí, ca paris una petabúdiga! ◊ streca cussa petabúdica! Terminologia scientifica crp, blatta orientalis Etimo srd. Traduzioni Francese blatte Inglese beetle Spagnolo cucaracha negra Italiano blatta Tedesco Küchenschabe, Kakerlak.

patèdha , nf: petedha, pratedha, pretedha Definizione genia de bobboi niedhudu chi faet in logos úmidos, aintru de domo asuta de móbbiles Sinonimi e contrari apeta, babbalocu, babbarrotu, babbasaju, cadalana, candhulitu, fèlega, partabúdiga, paulina, perta, sasàgia, scarfajoni, súliga Frasi su pastori cun lestresa nci dhi torrat a iscutullai sa pedra manna asuba e dh'istrecat che patedha Terminologia scientifica crp, blatta orientalis Etimo srd. Traduzioni Francese blatte Inglese beetle Spagnolo cucaracha negra Italiano blatta Tedesco orientalische Küchenschabe.

sasàgia, sasàja , nf: sesaja, sesaxa, sisàgia, sisaja, sisaza Definizione genia de bobboi niedhudu chi faet in is domos chi dhue at umidore: essit addenote / pàrrere una sasàgia imboligada in pabilu (nau de cc.)= bestidu chentza crabbu Sinonimi e contrari apeta, babbalocu, babbarrotu, babbasaju, buvone, cadalana, fèlega, melaghe, partabúdiga, paulina, perta, scarfajoni, súliga Frasi mi so a una parte remunidu comente solet fàghere sa sesaja ◊ est unchinada che sesuja, che unu titone de muja e che sesaja niedha ◊ si fateit niedhu che sisaja timendhe d'èssere postu in cantonella Terminologia scientifica crp, blatta orientalis Traduzioni Francese blatte Inglese beetle Spagnolo cucaracha Italiano blatta Tedesco Kakerlak.

scarfajòni , nm: iscarfone, scarrafone, scrafajoni, scrafioni Definizione bobboi niedhu, mannu cantu sa conca de su pódhighe mannu, chi format bòcias de sa brutesa de cuadhu, de boes e molentes po dhue pònnere is oos; a logos dhu narant a sa musca chi curret a is boes; genia de bobboi chi faet in is logos úmidos, asuta de trastos aintru de domo Sinonimi e contrari carrabbusu, carrammelda / babbarrotu, babbasaju, cadalana, partabúdiga, paulina, perta Frasi gei est berus ca su càvuru fait sa befa a su scrafajoni: mellus tui ti creis? Terminologia scientifica crp Etimo ltn. *scarafone Traduzioni Francese blatte Inglese blackbeetle Spagnolo cucaracha Italiano scarafàggio Tedesco Schabe.

«« Cerca di nuovo