Ditzionàriu in línia
de sa limba e de sa cultura sarda

frúschinu , nm, agt: fruscinu, frúscinu Definizione genia de movimentu lestru e fintzes sa moidedha chi faet; chi si movet lestru lestru, chi si movet a tropu / istare o èssere a f. = sempre in movimentu, in giru, a su moe moe Sinonimi e contrari fruschinamentu, sciamiada / bruscu, fruscu 1, fúliu Frasi in circa de mi dromí, ascurtu is frúscinus chi nascint e morint in sa noti ◊ apu inténdiu su frúscinu de sa mata comenti s'est móviu unu pilloni ◊ unu frúscinu de seda de is cabitzas chi is undas lébias movint ◊ su bentu mi ndi portat su frúscinu de una mata 2. arratza de piciochedhu frúscinu, custu: no abarrat mai firmu! ◊ segundhu chin chie che fit dada che fit essida frúschina! Etimo srd. Traduzioni Francese frétillement, glissement Inglese wriggle Spagnolo esguince Italiano guizzo Tedesco Schnellen, Ruck.

ischinàda , nf Definizione cropu de ischina, genia de móvia lestra Sinonimi e contrari innadu, ischitzinada, sédhidu Frasi iscúdere un'ischinada pro sere a cadhu ◊ s'àinu cun duas ischinadas sàrtiat concas de perda e prantones ◊ in pagas ischinadas ch'est pigadu a s'àrbure Traduzioni Francese coup de reins, frétillement Inglese blow with one's back Spagnolo golpe de riñones, esguince Italiano schienata, guizzo Tedesco Rückenstoß, Ruck.

recracadúra , nf Definizione tróchia de un'arremu Sinonimi e contrari dórchida isgúbberu, trunchinada Etimo srd. Traduzioni Francese entorse, foulure Inglese distortion Spagnolo distorsión, esguince Italiano distorsióne Tedesco Distorsion, Verstauchung.

tórchita , nf: dórchida, tróchia, tróchida, trócida, trótzida Definizione su tòrchere; móvia forte a cropu e a betu malu de un'arremu isfortzandho s'annoigadórgiu; fintzes borta o furriada chi faet unu camminu, un'istrada Sinonimi e contrari isgúbberu, recracadura, trochidura, trunchinada / carronada, furriada Frasi bio su prefeto a un'ala, a murrunzu, a tróchias de conca e a irmúrridos (A.G. Solinas)◊ si at fatu una tróchia a un'anca ◊ s'ègua si at fatu una trócida e no podit cúrriri Etimo srd. Traduzioni Francese entorse Inglese sprain Spagnolo esguince Italiano stòrta, distorsióne Tedesco Verstauchung.

trunchinàda , nf Sinonimi e contrari dórchida, isgúbberu, recracadura Terminologia scientifica mld Traduzioni Francese entorse Inglese distortion Spagnolo esguince Italiano distorsióne Tedesco Verstauchung.

tutzidúra , nf Definizione su che mòvere un'arremu de s'incàsciu cun calecuna atrotigada Sinonimi e contrari bocadura, irbissiada, scordogadura, scuadhigadura, sdollocadura, trochidura, tutzida Etimo srd. Traduzioni Francese entorse Inglese sprain Spagnolo esguince, torcedura Italiano stòrta, lussazióne Tedesco Verstauchung.