Ditzionàriu in línia
de sa limba e de sa cultura sarda

frúschinu , nm, agt: fruscinu, frúscinu Definitzione genia de movimentu lestru e fintzes sa moidedha chi faet; chi si movet lestru lestru, chi si movet a tropu / istare o èssere a f. = sempre in movimentu, in giru, a su moe moe Sinònimos e contràrios fruschinamentu, sciamiada / bruscu, fruscu 1, fúliu Frases in circa de mi dromí, ascurtu is frúscinus chi nascint e morint in sa noti ◊ apu inténdiu su frúscinu de sa mata comenti s'est móviu unu pilloni ◊ unu frúscinu de seda de is cabitzas chi is undas lébias movint ◊ su bentu mi ndi portat su frúscinu de una mata 2. arratza de piciochedhu frúscinu, custu: no abarrat mai firmu! ◊ segundhu chin chie che fit dada che fit essida frúschina! Ètimu srd. Tradutziones Frantzesu frétillement, glissement Ingresu wriggle Ispagnolu esguince Italianu guizzo Tedescu Schnellen, Ruck.

ischinàda , nf Definitzione cropu de ischina, genia de móvia lestra Sinònimos e contràrios innadu, ischitzinada, sédhidu Frases iscúdere un'ischinada pro sere a cadhu ◊ s'àinu cun duas ischinadas sàrtiat concas de perda e prantones ◊ in pagas ischinadas ch'est pigadu a s'àrbure Tradutziones Frantzesu coup de reins, frétillement Ingresu blow with one's back Ispagnolu golpe de riñones, esguince Italianu schienata, guizzo Tedescu Rückenstoß, Ruck.

recracadúra , nf Definitzione tróchia de un'arremu Sinònimos e contràrios dórchida isgúbberu, trunchinada Ètimu srd. Tradutziones Frantzesu entorse, foulure Ingresu distortion Ispagnolu distorsión, esguince Italianu distorsióne Tedescu Distorsion, Verstauchung.

tórchita , nf: dórchida, tróchia, tróchida, trócida, trótzida Definitzione su tòrchere; móvia forte a cropu e a betu malu de un'arremu isfortzandho s'annoigadórgiu; fintzes borta o furriada chi faet unu camminu, un'istrada Sinònimos e contràrios isgúbberu, recracadura, trochidura, trunchinada / carronada, furriada Frases bio su prefeto a un'ala, a murrunzu, a tróchias de conca e a irmúrridos (A.G. Solinas)◊ si at fatu una tróchia a un'anca ◊ s'ègua si at fatu una trócida e no podit cúrriri Ètimu srd. Tradutziones Frantzesu entorse Ingresu sprain Ispagnolu esguince Italianu stòrta, distorsióne Tedescu Verstauchung.

trunchinàda , nf Sinònimos e contràrios dórchida, isgúbberu, recracadura Terminologia iscientìfica mld Tradutziones Frantzesu entorse Ingresu distortion Ispagnolu esguince Italianu distorsióne Tedescu Verstauchung.

tutzidúra , nf Definitzione su che mòvere un'arremu de s'incàsciu cun calecuna atrotigada Sinònimos e contràrios bocadura, irbissiada, scordogadura, scuadhigadura, sdollocadura, trochidura, tutzida Ètimu srd. Tradutziones Frantzesu entorse Ingresu sprain Ispagnolu esguince, torcedura Italianu stòrta, lussazióne Tedescu Verstauchung.