Legenda Abbreviazioni | Legenda Simboli

aguàle, aguàli , agt: auguale, iguale, oguale, uguale Definizione chi tenet is matessi calidades, mannària e àteros piessignos de un'àteru, chi no dhue at diferéntzia tra unu e àteru, ma si narat fintzes in su sensu de si assimbigiare deasi meda de èssere unu lintu e pintu s'àteru; coment'e símbulu si ponet / = / Sinonimi e contrari cabale, chepare Frasi est sèmpere a s'artiefala faghendhe tzocos aguales cun sas iscarpas ◊ custos duos sunt aguales in totu ◊ sa fiza est aguale a sa mama ◊ in presone sas dies sunt totu auguales ◊ fuant agualis a su babbu tot'a is duus 2. nau ch'in su mundu no tenis aguali! Etimo itl.t aguale Traduzioni Francese égal Inglese equal Spagnolo igual Italiano uguale Tedesco gleich.

etótu , agt, avb: atotu, itotu Definizione e + totu = matessi, inditat una identidade, sa matessi cosa de àteru foedhu: est impreau coment'e un'agt. e po acumpangiare un'avérbiu o unu vrb. po dhi giare prus fortza e no mudat mai mancu coment'e agt. Sinonimi e contrari mantessi Frasi deo etotu bi so andhadu ◊ dh'at bófiu issa etotu ◊ fiat pannu chi tessiant issas etotu ◊ est un'imbrógliu po is pipius etotu ◊ ndhe aviant bisonzu issos etotu 2. bi andho como etotu ◊ lu cheriat ma l'at lassadu gai etotu ◊ is amigus ant cumentzau luegus etotu ◊ de essendu piciochedhus etotu tocat a si abbituai ◊ dèu dh'apu isperimentau asuba mia etotu ◊ istanote etotu as a nàrrere chi no mi connosches ◊ at a sanai aici etotu ◊ iat tocau etotu a tzerriai su vicàriu ◊ apu a bandai oi etotu ◊ s'ant a fai a isposus s'annu etotu ◊ tiu Cubeddu cantaiat lestru etotu ◊ -Caru? -Caru etotu, balla! ◊ -Dhu fais? -Dhu fatzu etotu! Etimo srd. Traduzioni Francese même Inglese self Spagnolo mismo, igual Italiano stésso Tedesco derselbe.

parinàle , agt, nm Definizione chi o chie est a paris, paris, cant'e pare a un'àteru in calecuna cosa Sinonimi e contrari cantepare, guale, parinzu, parívile Frasi isse est parinale meu ◊ sa domínica imbeniente su massaju irrichidu si ammàniat pro annare a catza cun parinales suos ◊ sa nave ti aprontamus pro tucare cun remadores chi sos parinales aterue no podes agatare ◊ sas dentes de custa crae sont parinales a sas de cussa Etimo srd. Traduzioni Francese égal Inglese equal Spagnolo igual Italiano uguale, pari Tedesco gleich, Gleiche.

parínzu , agt, nm Definizione nau de logu, chi est in paris, parighinu, bàsciu; chi est totu de unu matessi andhare; unu tretu o logu in paris Sinonimi e contrari parinale, parívile / pàrina, paris, pàtiu 3. fio camminandhe in custu parinzu mannu tra su sàrtiu de Lei e de bidha Etimo srd. Traduzioni Francese plane, égal Inglese equal Spagnolo igual, liso Italiano pari, omogèneo Tedesco gleich, gleichartig.

«« Cerca di nuovo