Legenda Abbreviazioni | Legenda Simboli

iferchidúra , nf: infelchidura, inferchidura, infilchidura Definizione su iferchire; múzulu o truncu de mata o de prantone isconcau e innestau, iferta; css. cosa posta a crèschere a pitzu o coment’e aciunta a un’àtera (fintzes infetu in sa carena); cropu giau a ifurconadura, a punghidura Sinonimi e contrari iferca, iferchinzu, ifertura, infertu, insidu / cdh. infilchitura, infirchidura Modi di dire csn: s'i. tenet, no tenet = pigat, crescit, no pigat, si sicat; betàrendhe sas i. = mòereche sas isticas iferchidas Frasi si si che sicat s'inferchidura restat su pirastru ismutzurradu ◊ faghiat inferchiduras in piantas de dogni zenia ◊ fut inferchidore bonu, ma no sempre s'inferchidura teniat 2. pro crèschere sos donos de natura bi cheret de iscola imparamentu, chi est pro sa mente umana inferchidura (L.Marteddu) 4. a sos poetas de prima essida Sassu lis at dadu un'inferchidura de puntorzu Etimo srd. Traduzioni Francese greffe, inoculation Inglese graft Spagnolo injerto, inoculación Italiano innèsto, inoculazióne Tedesco Veredeln, Impfung.

ifertúra , nf: infertura Definizione múzulu, fundhu isconcau chi portat iferta o istica, ma fintzes su innestare una linna a un’àtera / genias de i.: a ogu, a pértia, a isperradura, a iscudetu; i. de pigota = vacinu de pigota Sinonimi e contrari iferchidura, infertu, insidu, intannu Etimo srd. Traduzioni Francese greffe Inglese graft Spagnolo injerto Italiano innèsto Tedesco Veredeln.

istíca , nf, nm: isticu, sticu Definizione pua, orrugu de cambu nou de una linna chi si ponet po ndhe innestare un'àtera mata (pruschetotu areste ma chi si assimbígiat: es. de pirastu po fàere a pira, de ogiastu po fàere a olia) e fintzes orrugu deretu de linna fine bastat chi siat; in cobertantza, arreghèscia / bocare isticas = nau de unu, bogai frocus, arreghèscias, istibbas Sinonimi e contrari ifertura, inferchidura, infertu, pitzu Frasi s'innestadore at postu isticas bellas ◊ inferchi isticos in su truncu ◊ calchi isticu chi fit brotendhe est perdendhe sas fozas 2. chena brotare ambos dae un'isticu, semus de sa matessi linna! Etimo itl. stecca Traduzioni Francese greffe (agric.) Inglese scion Spagnolo púa, injerto Italiano marza Tedesco Edelreis.

«« Cerca di nuovo