Legenda Abbreviazioni | Legenda Simboli

alterài, alteriàre , vrb: artarae, artarare, arterare, arteriare, arturiare Definizione fàere arrennegare o pigare tzacu, fàere pèrdere sa passiéntzia giaendho ifadu, giaendho ocasione candho unu est arrennegau o immarriu po àteru puru; nau de un’arremu, suberiare cun isfortzu meda o po calecunu male a tales de dòlere, ufrare, fàere a budhiore Sinonimi e contrari agghegiare, annervare, annervosare, incorinare, infrascai, nechidare, orrontzedhare Frasi su tocu de su martedhu artúriat finas sa campana ◊ banzu ti pítzigo, mih, si mi che artérias! ◊ addaghi ti naro de no fàghere sas cosas gai ti artérias! ◊ non bi at bisonzu de ti artarare Etimo itl. alterare Traduzioni Francese agacer Inglese to irritate Spagnolo irritar Italiano irritare Tedesco reizen.

annervàre , vrb Definizione giare o pigare a nérbios, fàere pèrdere sa passiéntzia, giare aggheju Sinonimi e contrari alteriare, annervosare, spaxiai Etimo srd. Traduzioni Francese agacer, énerver Inglese to irritate Spagnolo irritar Italiano irritare, innervosire Tedesco reizen.

annervosàre , vrb Definizione fàere nervosu, giare o pigare a nérbios, giare aggheju fintzes a candho unu perdet sa passiéntzia Sinonimi e contrari alteriare, annervare, ifadare, spaxiai Etimo srd. Traduzioni Francese énerver Inglese to get on s.o.'s nerves Spagnolo irritar Italiano innervosire Tedesco nervös machen.

iscaldídu , pps, agt: iscardidu, scardiu Definizione de iscaldire; chi est orrubiau,fintzes chi portat freadura 2. zuco sas cossas iscardias ca amus caminau tropu a pede ◊ a fortza de nisire, cun custa remadia, zuto su nasu iscardidu ◊ pro l'aer bidu a sa torrada, cun sos pes iscaldidos de suore!…◊ su cadheri fit iscarditu ca curriat a sa nuda Traduzioni Francese rougi, irrité Inglese reddened Spagnolo enrojecer, irritar Italiano arrossato, irritato Tedesco gerötet, entzündet.

nechidàre , vrb: nichidare, neghidare Definizione giare o pigare arrennegu, tzacu, unu pagu prus forte de annicare Sinonimi e contrari abbrodhiare, abbuscinare, alterai, annicare, annozare, inchietae, pirmare | ctr. allegrare, prexai Frasi su babbu at comintzau a si nechidare ca su fizu no cheriat andhare a cullire uliba ◊ mi rispondhet chin pacas perralias, càrchidat e si néchidat che berre (M.Zichi)◊ l’avio istrampau a culu a terra, ma isse intamas de si neghidare si fut postu a ríghere (M.Ladu) 2. no est tirandhe prus aeredha, mancu bentu de susu chi néchidat sas chessas mummuchiandhe in frunzas sos arrastos (L.Loi) Traduzioni Francese se fâcher Inglese to disturb Spagnolo irritar Italiano inquietare Tedesco ärgern, aufregen, sich ärgern.

renignài , vrb Sinonimi e contrari abbetiae, afutare, arrabbiai, arragiolire, arrannegai, inchietae, incrabudhire, infelai, infuterare Etimo srd. Traduzioni Francese irriter, agacer Inglese to vex Spagnolo irritar, amostazar Italiano stizzire Tedesco ärgern.

suberiàre , vrb Definizione giare ocasione, fàere arrennegare male e peus a chie est giai tzacau, istrobbare Sinonimi e contrari agghegiare, atiare, inasprèssiri, incidai, inciulai, insissiligai, insutzuligai, issuperiare, mincidiare, tinghitare Frasi no mi subéries, bastat chi so arrennegadu pro àteru! ◊ si subériat su cadhu e istinchidhat fogu ◊ in custu trunchedhu che at una tana de muscone: no lu suberiedas ca bos punghet! ◊ est unu raspinzu chi faghet efetu malu ca subériat sa palte chi est ratada Traduzioni Francese agacer Inglese to annoy Spagnolo irritar Italiano irritare Tedesco reizen.

«« Cerca di nuovo