Ditzionàriu in línia
de sa limba e de sa cultura sarda

arroncíllu , nm: arruncillu, runcillu Definizione ferramenta, aina de ferru fata che a sa càvana, ma a màniga crutza su tanti de dha pigare a una manu Sinonimi e contrari cavanàciu, cavanzola, farchione Frasi su pastori cun s'arruncillu ndi at segau unu trunchedhu ◊ pigu s’arruncillu e iscomu sa linna Terminologia scientifica ans Etimo itl. ronciglio Traduzioni Francese serpe Inglese billhook Spagnolo podadera Italiano pennato Tedesco Hippe.

càna , nf Definizione aina segante a punta acancarronada e a màniga longa de pigare prus che àteru a duas manos / pàrrere dolau a c. (nau de ccn.)= fatu a sa grussera Sinonimi e contrari assidadorza, canutza, càvana, cirradroxa, faltzone, fústina, luatorja, orostazu, rultàglia, urvajola Frasi fit essiu a cana in chitu pro si buscaret una francada de linna ◊ làssannos sa cana ca nos fachimus linna! ◊ note e die infatu a sos anzones, pro fàchere paura a sos matzones cantas a boche e tocas chin sa cana (Cucca) Terminologia scientifica ans Traduzioni Francese serpe Inglese billhook Spagnolo podadera, hocino Italiano róncola Tedesco Hippe.

càvana , nf: càvuna Definizione aina segante a punta acancarronada e a màniga longa po dha pigare a duas manos: assimbígiat de fatura a sa pudatza (a màniga curtza, de pigare a una manu) Sinonimi e contrari cana, cirradroxa, faltzone, fústina, ischirradorza, luatorja, orostazu, rultàglia, ruvadorja, urvajola Modi di dire csn: èssiri fatu a c. = a sa russa, a bistrale, èssere de maneras pagu fines; c. iscollada = nadu de ccn., èssere irreguladu, fàghere sa cosa chentza critériu Frasi si cantaus in sardu no est isceti po fai festa, ma est po dhis torrai su pani prestau a is óminis de càvuna chi a s'ispanigadroxu movint a su sartu (A.Satta) Terminologia scientifica ans Traduzioni Francese serpe à manche long Inglese billhook Spagnolo podadera, hocino Italiano rónca, róncola Tedesco Hippe.

cavanzòla, cavanzólu , nf, nm: cavatzola Definizione ferramenta de ferru fata che una càvana, ma a màniga curtza Sinonimi e contrari arroncillu, cavanàciu, farchione, pudagiola Frasi binnennandhe po segare s'àghina leant sa frófighe de pudare o su cavanzolu Terminologia scientifica ans Etimo srd. Traduzioni Francese serpe à manche court Inglese short handled billhook Spagnolo podadera Italiano róncola a mànico córto Tedesco Hippe mit kurzem Griff.

faltzòne , nm, agt: fartzone Definizione farche a fuste, aina segante a punta unchinada, curtza, a frama larga e a màniga longa, de pigare prus che àteru a duas manos, pro segare a corpadura e a tiradura / basolu fartzone = una calidade de pisu bonu meda a insalada friscu ca su corgiolu no giughet filacitu ue si aunint is perra; a fartzoninu = a zisa de fartzone Sinonimi e contrari assidadorza, cana, càvana, cirradroxa, fústina, ischirradorza, luatorja, orostazu, rultàglia, ruvadorja, urvajola Frasi in cussu fraile, su biadu, ndh'at martedhadu de faltzones, arvadas e bistrales! ◊ a che segare su rú bi cheret su fartzone 2. sas ancas dortas che frochidha las betaiat a fartzoninu (Q.Falchi) Terminologia scientifica ans Etimo itl. falcione Traduzioni Francese serpe, ébranchoir Inglese billhook Spagnolo podadera, hocino Italiano róncola Tedesco Hippe.

pruàcia , nf: pruatza, pudàcia, pudassa, pudata, pudatza, puràcia, puratza Definizione aina pitica segante, a bisura de càvana, de pigare a una manu, a màniga curtza, impreada fintzes po pudare / fai de p. sa bíngia = ibecióngiu, segrestai, bogare in croba sa bide seghendhecheli sas cannas chi no serbint Sinonimi e contrari fudatza, pudagiola, pudatone, pudatzola, putatorja Frasi is bingiateris manígiant sa pudatza po pudai sa bíngia ◊ segau su tzugu a puratza boliant, candu faint cosas sentza de cuscéntzia! Terminologia scientifica ans Etimo srd. Traduzioni Francese émondoir Inglese pruning bill Spagnolo podadera Italiano potatóio Tedesco Hippe.

pudagiòla, pudagiólu , nf, nm: pudajola, pudajolu, pudijola, putajola Definizione aina pitica, a bisura de càvana, de pigare a una manu, a màniga curtza, nada deosi ca faet a pudare / p. cun sa istrazona = chi portat sa chighirista in su tolu Sinonimi e contrari fudatza, pruàcia, pudatone, pudatzola / ttrs. pudajora Frasi est intradu a su giardinu cun sa pudajola a ndhe segare su rú Terminologia scientifica ans Etimo srd. Traduzioni Francese émondoir Inglese prining hook Spagnolo podadera, podón Italiano potatóio Tedesco Hippe.

rultàglia, rultàgliu , nf, nm: rustàgliu, rustaza, rustràgliu, rutàgliu Definizione aina segante a punta acancarronada e a màniga longa po segare iscudendho a cropu e a tiradura Sinonimi e contrari assidadorza, cana, cirradroxa, faltzone, fústina, ischimadògia, luatorja, ruvadorja, urvajola / ttrs. rustàgia Frasi si no ti as arrodadu su rustàgliu inoghe no che faghes fàscia 'e linna! (Còntene)◊ cussa màniga de rustaza cheret apredigada pro l'adderetare ca est torta Cognomi e Proverbi smb: Rustaggia, Rustagia Terminologia scientifica ans Etimo itl.t rostagia Traduzioni Francese serpe Inglese billhook Spagnolo podadera Italiano róncola Tedesco Hippe.