Ditzionàriu in línia
de sa limba e de sa cultura sarda

arrecàtu 1 , nm Definizione genia de duda, de duritu, de delicadesa Sinonimi e contrari arrechetu, recatamentu Frasi su dotori at abertu s'enna cun arrecatu Etimo spn. recato Traduzioni Francese tenue sérieuse Inglese grave expression Spagnolo recato Italiano contégno grave Tedesco würdevolles Benehmen.

recataméntu , nm Definizione su si recatai, su istare unu pagu coment'e duritosos Sinonimi e contrari discrutzu, refrenu, regrésciu Frasi "Fuedhant sa buca e is ogus", m'iat iscoviau una dí chi iat allentau su recatamentu de sempri Traduzioni Francese retenue Inglese self-restraint Spagnolo recato Italiano risèrbo, ritégno Tedesco Zurückhaltung.

regrésciu, regréssia, regréssu , nm, nf Definizione genia de bregúngia, de duritu, chi po arrespetu o àteru consígiat a unu de fàere calecuna cosa Sinonimi e contrari dobidori, recatamentu, refrenu Frasi su malu fàchere creschet cada die e no bi at regréssia ◊ atatamacàndhesi bi ndhe at medas chene regréssia e a fatza de sola ◊ candho babbu e mama perdent su podere s'umanidade no at prus regréssia ◊ sos pitzinnos si ghetant chei sa musca a su mele e comintzant a carabbatare chene regrésciu perunu cantu prus recatu podent! (M.Gattu Soddu)◊ zente chentza regressu est sa càusa de sos disabios Traduzioni Francese frein, retenue Inglese qualm, restraint Spagnolo miramiento, recato Italiano rèmora, ritégno Tedesco Schamgefühl.