Ditzionàriu in línia
de sa limba e de sa cultura sarda

maletéri , agt Definizione ómine fàcile a si dha pigare po maleta, chi no padit brullas, chi si ofendhet luego Sinonimi e contrari asciosu, assumbrósigu, aumbraditu, primmósigu, strugnu Etimo srd. Traduzioni Francese susceptible Inglese touchy Spagnolo susceptible Italiano permalóso Tedesco übelnehmerisch.

primmagiólu , agt: aprimajolu Definizione nau de ccn., chi si primmat o ammurrionat meda, fatuvatu, po dónnia cosa, po pagu pagu chi dh'iscontrórient Sinonimi e contrari annicaditu, annuzaditu, assumbrosu, aumbraditu, maleteri, primmósigu, primóstigu, strugnu, ufione, untziarju Terminologia scientifica ntl Etimo srd. Traduzioni Francese susceptible Inglese irritable Spagnolo susceptible Italiano permalóso, che si offende facilménte Tedesco übelnehmerisch.

primmósigu , agt: primósigu Definizione nau de ccn., chi si primmat fatuvatu, chi si dha pigat deretu po pagu pagu chi dh'iscontrórient Sinonimi e contrari ammusciagiolu, annicaditu, assumbrosu, aumbraditu, maleteri, písili, pitzighéntile, primigosu, primmagiolu, primóstigu, strugnu, tzachedhosu, ufrósigu, untziarju Terminologia scientifica ntl Etimo srd. Traduzioni Francese susceptible Inglese touchy Spagnolo susceptible Italiano suscettìbile, permalóso Tedesco übelnehmerisch.

tzachedhósu , agt: sachedhosu Definizione chi tzachedhat; nau de unu, chi luego si ofendhet po dónnia cosa, chi no aguantat brullas Sinonimi e contrari isbombiosu, tzacarrosu / arrennegaditu, primmósigu, tzacosu Frasi in s'istante s'intendhet unu tronu tzachedhosu (N.Cucureddu) Etimo srd. Traduzioni Francese bruyant, susceptible, irritable Inglese noisy, oversensitive Spagnolo fragoroso, susceptible Italiano fragoróso, suscettìbile, scattóso Tedesco lärmend, empfindlich.

ufrósigu , agt Definizione nau de unu, chi po dónnia cosighedha si ofendhet e si primmat Sinonimi e contrari ischitzete, pitzighéntile, primmagiolu, ufrantinu Frasi ufrósigu, sa muta za est, de lu contrariare!… Terminologia scientifica ntl Etimo srd. Traduzioni Francese susceptible Inglese susceptible Spagnolo susceptible Italiano suscettìbile Tedesco reizbar.

umbrósu , agt Definizione chi est in s'umbra, nau de logu chi dhue tocat pagu sole; nau de unu, chi si aúmbrat, chi luego si dha pigat, si ofendhet, fintzes chi est oféndhiu Sinonimi e contrari umbrighinosu, umbrine, umbritzu, umbrósigu / tzachedhosu, ufrósigu, umbràdile Frasi est una costa umbrosa 2. fiat unu sennori langinu, círdinu che furconi, incilliu e umbrosu ◊ cussu est mezus a dhu tènnere umbrosu chi no a dhu tènnere a paghe Etimo ltn. umbrosus Traduzioni Francese susceptible Inglese susceptible, touchy Spagnolo sombrío, susceptible Italiano suscettìbile Tedesco reizbar.