Ditzionàriu in línia
de sa limba e de sa cultura sarda

ammíru , nm Definizione su ammirare, su castiare cun apentu; cosa (ma fintzes gente) bella o bona meda a bíere, a dh'abbaidare o de istimare, de abbilesa manna Sinonimi e contrari càstiu / ammirassone / abbaju, addoru Frasi su bestiàmine chene s'ammiru de su pastore podet andhare a logu de fàghere dannu ◊ los amus bene osservados: e cantu semus istados tratesos in cuss'ammiru!… 2. de totu sias s'ammiru! ◊ cussa ratza de pudhas crionzanas sunt un'ammiru! ◊ sas badhes nostras sunt logos de ammiru ◊ cussa pitzoca est un'ammiru de cantu est bella! Etimo srd. Traduzioni Francese admiration Inglese admiration Spagnolo admiración Italiano ammirazióne Tedesco Bewunderung.

istíma , nf: stima Definizione su sentidu de bòllere bene; fintzes idea bona, cuncetu bonu chi si pentzat de s'àteru, su càrculu chi si faet de s'àteru Sinonimi e contrari afetu, amore, apegu, cherinzu, iltimassione Frasi a s'amigu chi méritat istima devias nessi a isse calculare (A.Casula)◊ si no azes istima de sa fémina chi so picandhe… tandho no azes amore mancu a sa pessone mea! Traduzioni Francese estime, admiration Inglese admiration, esteem Spagnolo estimación, aprecio Italiano stima, ammirazióne Tedesco Wertschätzung, Bewunderung.