Legenda Abbreviazioni | Legenda Simboli

alluchetàda , nf: alluchetata Definizione su alluchetare; sa lampada, sa lughe chi faet su luchitu allutu, ma fintzes su lampu o àtera alluta, nau fintzes in su sensu de dificurtade manna, de perígulu, isparu Sinonimi e contrari alluta / luinamentu 2. est a tronos e a lampos e a donzi alluchetada si apunzat e abbratzat su fizu assustadu 3. de candho zughiat su breve no aiat tentu mancu unu dolore de conca: e mih chi si ndhe aiat bidu de alluchetadas!… Etimo srd. Traduzioni Francese lueur, lueur des éclairs Inglese flash Spagnolo resplandor Italiano baglióre Tedesco blendendes Licht.

alluínu , nm: loinu Definizione lughe tropu forte chi ferit a cara e annapat sa vista, su annapare sa vista cun lughe tropu forte Sinonimi e contrari alluinadura, alluinamentu, illúghinu, lugerra Frasi s'alluinu dhu fait su soli Etimo srd. Traduzioni Francese éblouissement, éblouissement persistant Inglese dazzling, flash Spagnolo deslumbre, fulgor Italiano baglióre, abbàglio Tedesco Blendung.

illúghinu , nm: illúinu, illúniu Definizione su illughinare; lughe chi intzurpat, forte meda, ma fintzes genia de furriamentu de conca Sinonimi e contrari alluinamentu, alluinu, illughinadura, illuinore / abbadhinamentu, imbatzinamentu, insimíngiu, loinu, luinore Frasi s'últimu illúinu solare atzendhet de incantu sa marina e invitat sos coros a gosare (A.Frau) 2. seo a illúinos Etimo srd. Traduzioni Francese éblouissement persistant, lueur Inglese dazzling, flash Spagnolo deslumbramiento, resplandor Italiano abbàglio, baglióre Tedesco Blendung, blendendes Licht.

lampalúche, lampalúghe, lampalúgi, lampalúxi , nm: lampeluxi, lampiluche, lampoluche Definizione sa fràmula chi faet su fogu (o fintzes àteru), chi segundhu de comente tenet faet prus o prus pagu lughe, a lampadas: si podet nàrrere fintzes in su sensu de lughe paga, filu de lughe, chi no lassat bíere bene, chi andhat e benit / avb. a l. = mandai lampaluxis, a lampizadas, a s'atzendhe e mori, itl. baluginare Sinonimi e contrari moristuda, pampaluge, stampaluxi, tzampaluche Frasi su brigadieri fut carriau de medàllias e comenti caminàt faiant su lampaluxi ◊ a piciochedhus s'ispassiastis a fai su lampaluxi cun arrogus de isprigu ◊ si biriat su lampeluxi de is bombas 2. a lampaluxi su mengianu femus arribbaus giai a Déximu ◊ si bidiat su focu a lampaluche ◊ cuss'ómini bidiat a lampaluxi e si est postu a passai is binàrius Etimo srd. Traduzioni Francese lueur Inglese flash (ing), dim light Spagnolo centelleo Italiano lampeggiaménto, baglióre, barlume Tedesco Funkeln.

spampillonàda , nf Sinonimi e contrari allumada, pampada Frasi su sennori donat una spampillonada de fogu e isparessit Etimo srd. Traduzioni Francese lueur Inglese flash Spagnolo resplandor Italiano baglióre Tedesco blendendes Licht.

«« Cerca di nuovo