Legenda Abbreviazioni | Legenda Simboli

carbonèra , nf Definizione tretu in paris inue si faet su crabone; aposentu de su crabone Sinonimi e contrari cea / carbonile Etimo spn. carbonera Traduzioni Francese charbonnerie Inglese charcoal pit Spagnolo carbonera Italiano carbonàia Tedesco Kohlenkeller.

cèa , nf: chea, cheja, gea Definizione terrenu in paris, friscu e bonu, prus che àteru in logu bàsciu chi faet a badhe; tretu in paris, fatu a pratza o unu pagu a fossu, po dhue fàere crabone e fintzes su muntone de sa linna de fàere a crabone; calanca, fossighedhu, fossu, a logos fintzes losa, su chi si faet in campusantu po pònnere unu mortu Sinonimi e contrari badhe / crabonalza, fogàgia, piatza 1 Modi di dire csn: sa chea de s'oju = sa calanca de s'ogru; chea de su batile = su fossitedhu de su batile; a pasare a sa chea! = apustis mortu, candho unu ch'est in sa fossa; acadhare sa chea = assentare sa linna pro la carrarzare e pònnere fogu faghindhe carbone Frasi apu sonnau de cantai ispantus de ceas in frori ◊ chi no fessit ca ti apu isposau dèu fiast ancora pascendi procus me is ceas! ◊ si bidiat sa luxi de su soli calendi peri is costeras e in sa cea ◊ fiat una cea prena de matas e de tupas ◊ sa crésia de Sacàrgia est in d-una bella cea inghiriada de montixedhus (B.Erdas)◊ mama mea annaiat a messare e marrare in cussas chejas de sa màrghine 2. custos parisedhos sunt totu cheas chi che ant fatu faghindhe carbone ◊ ite cheas mi atzendhes in carres! ◊ sa linna si coghet a carbone in sa chea 3. preparesint una chea manna e in cue che ponzesint sa morta e l'assacarresint de terra ◊ custu santugristos est a lu pònnere in sa chea mia, candho apo a èssere mortu ◊ irforrade medas chejas in custa vadhe: si ant a prenare de abba! Terminologia scientifica slg Etimo srdn. Traduzioni Francese fossé, plaine encaissée, charbonnière Inglese ditch, charcoal pit, plain Spagnolo foso (m), zanja, carbonera Italiano fòsso, pianura incassata, carbonàia Tedesco Graben, Kohlenmeiler.

crabonàlza, crabonàrgia , nf Definizione muntone de linna assentada a bisura de barracu (a punta) chi carràgiant de terra po dha fàere a crabone (su tretu fatu apostadamente po dhi pònnere fogu: orrochinu) Sinonimi e contrari cea, fogàgia, piatza 1 Frasi fint inghiriados a una crabonalza betendhe truncos friscos a su fogu ◊ che una crabonalza brúgio suta, ma no essis a campu, o poesia (A.Casula) Traduzioni Francese meule de charbonnière Inglese charcoal pit Spagnolo carbonera Italiano carbonàia Tedesco Kohlenmeiler.

fogàgia , nf: fogaja, fogaxa, fogaza Definizione fossu inue si alluet fogu po abbruxare cristallu sicau (genia de erba), iscagiare brunzu; partza inue si ammuntonat sa linna totu bene assentada po dha fàere a crabone (e si narat de su muntone etotu de sa linna chi si assentat e carràgiat) Sinonimi e contrari cea, crabonalza, piatza 1 / fochilada 2. ndi at ai fatu de truncus de linna e de fogajas de craboni a iscarada, cuss'ómini!…◊ cussu fumentu est de sas fogazas de sos ílighes nostros ◊ segundhu sa fogaja podit abarrai 72 oras alluta Traduzioni Francese charbonnière Inglese charcoal-pit Spagnolo carbonera Italiano carbonàia Tedesco Kohlenmeiler.

gèa , nf: cea* Definizione terrenu in paris, friscu e bonu, prus che àteru in tretu bàsciu chi faet a badhe; tretu fatu in paris o unu pagu a fossu po dhue fàere crabone e fintzes su muntone de sa linna de fàere a crabone; fossu Sinonimi e contrari badhe / crabonalza, fogàgia, piatza 1 Frasi no dhoi nd'at prus de geas friscas cun àcua de miza Terminologia scientifica slg Traduzioni Francese fossé, plaine encaissée, charbonnerie Inglese ditch, plain, enclosed, charcoal pit Spagnolo foso, llanura encajonada, carbonera Italiano fòsso, pianura incassata, carbonàia Tedesco Graben, eingeschlossene Ebene, Kohlenmeiler.

«« Cerca di nuovo