Legenda Abbreviazioni | Legenda Simboli

arrastài , vrb: arrastare, arrastari, arrastrai, rastai Definizione andhare a s'arrastu de sa fera, pigare s'arrancu, fragare; sighire o pònnere aifatu de s'ormina, de is arrastos Sinonimi e contrari acarigai, annajare, annàsere, fiagare, isimare, nuscai, semare 1 / addromare, atratare, ildarrastare, orminare, trateare Frasi su cani miu at arrastau sa perdixi ◊ recuias a domo arrastendhe sabores dae tesu Etimo srd. Traduzioni Francese flairer le gibier Inglese to scent game Spagnolo rastrear Italiano fiutare la selvaggina Tedesco wittern.

fiagàre , vrb: fracare, fragai, fragare Definizione pigare fragu, is fragos, arrancu; in cobertantza, cricare ccn. cosa; bogare o lassare andhare fragu Sinonimi e contrari acarigai, annajare, annàsere, arrancai 1, arrastai, fraghigiai, nuscai Modi di dire csn: andai fraga fraga = furitendu, arrotza arrotza, chirchendhe a s'airada, che cane in catza (ma nau de is piciocos chi currint aundi dhui at piciocas); cosa chi fragat = una chistione pro un'àtera, zenia de iscusa, de iscóbiu; fragai che pubusa = èssere púdidu a tzutzu Frasi su cane giraiat fiaghendhe su rastu e s'aera ◊ fiat fraghendi in dogna logu a càrigas obertas che cani de cassa ◊ mi ant dadu unu fiore pro mi lu fiagare 2. sannoris a crobbata e a cicia arrólliant de contonada in contonada, cichendu, fraghendu… 3. mi praxint custas arrosas ca frangant ◊ custa cosa fragat de casu ◊ est aici brutu chi fragat de aillargu 4. custa est cosa chi fragat, gopai: no est po sa saludi ma po fai càncua farrassa manna chi funt circhendu! Etimo ltn. fragrare Traduzioni Francese flairer Inglese to smell, to exhale Spagnolo oler, olfatear, oler Italiano fiutare, odorare, emanare odóre Tedesco riechen.

frusài, frusàre , vrb: afrusae Definizione pigare sa frusa, su fragu, s'arrancu; andhare aifatu de s'arrastu Sinonimi e contrari acarigai, annajare, annàsere, arrancai 1, arrastai, fiagare, isimare, nuscai Etimo srd. Traduzioni Francese flairer Inglese to smell Spagnolo olfatear Italiano fiutare, annusare Tedesco riechen.

nuscài, nuscàre , vrb Definizione pigare su fragu, fintzes fragare Sinonimi e contrari acarigai, annajare, annàsere, arrancai 1, arrastai, fiagare Frasi nusca ite fragu bellu chi li andhat a sa rosa! ◊ isse istat semper nuscandhe e leghendhe giornales de titulias! ◊ zeo mi firmo a ti nuscare, dílicu e profumatu biancu fiore! (G.Farris)◊ mi fit piàghidu de nuscare s’ària de cussos logos Etimo srd. Traduzioni Francese flairer Inglese to sniff Spagnolo olfatear Italiano fiutare Tedesco beriechen, riechen.

«« Cerca di nuovo