abbrédhulu , nm Definizione ccn. cosa po giogare Sinonimi e contrari belloi, bibbirollai, brebbeilledhu, ciogu, gioghitu, stentalogu Traduzioni Francese joujou Inglese knick-knack, toy Spagnolo juguete Italiano nìnnolo, giocàttolo Tedesco Spielzeug.

belléi , nm Definizione cosa bella, cosa a giogare, cosighedha de pònnere o de apicare in dossu po pàrrere prus bellos Sinonimi e contrari apicàglia, bebbelledhu, belleu, giogu, zínzili Frasi sa pitzinna fit su bellei de totugantos ◊ custus funt is belleis de unu pratu segau 2. chin belleis e profumos e macas fantasias printzipessa ti creias Cognomi e Proverbi smb: Bellé, Bellei Etimo srd. Traduzioni Francese joujou, fard Inglese knick-knack, cosmetic Spagnolo juguete Italiano giocàttolo, bellétto Tedesco Spielzeug, Schmuck.

giógu , nm: ciogu, zocu Definizione cosa chi si faet po passare ora, po gustu, divertimentu, po istràviu e, in cobertantza, fintzes àteru in css. sensu; cosa po giogare; cosa fàcile, bona a fàere, chi praghet; cosa mala chi leat a unu coment'e a trassa, fintzes su dillíriu de sa callentura, genia de illuinamentu / min. gioghitu, gioghitedhu; genias de giogu: tzacamanedha, serra serra, custu est su procu, durudduru, a cuadhu a cuadhu, babbajola babbajola, a mammacua, sedatzedhu, cavaglieri in porta, a gatu tzurpa, a gruxis e crastus Sinonimi e contrari abbentu 1 / abbrédhulu, bellei, ischértiu, ispetàculu / brulla / spàssiu | ctr. trabàgiu Modi di dire csn: giogu de fuedhus, de manus = zogu cantu de fàghere a ríere, fàghere ispetàculu; unu giogu de tzícheras = una tuzina de tzícheras; unu giogu de ogus = duos ogros Frasi custu pipiu est totu pigau de su giogu ◊ is giogus dhus imbentant is pipius etotu ◊ in iscola de giogos ndh'aus a fàere? ◊ is cumpàngias si atopant po fari giogos e passari is festas 2. nannai ti còmporat unu gioghitu! ◊ su pipiu, de bona índula, passàt de unu a s'àturu coment'e unu gioghitu ◊ tiu Bustianu fut ammungiau po aprontare a su piciochedhu is giogos chi serbiant po chida santa 3. sa vida mi pariat unu giogu: aia apena giómpidu sos vint'annos! 4. arratza de giogu chi dhi at fatu sa callentura, a su pipiu! ◊ lah ca su binu ti fait giogu malu, a tui! ◊ pustis fatu su giogu, at fatu noi mesis de maladia…, cussa picioca Cognomi e Proverbi prb: chie no bàjulat brullas no intret in giogu! Etimo ltn. jocus Traduzioni Francese jeu, jouet Inglese play, toy Spagnolo juego, juguete Italiano giòco, giocàttolo Tedesco Spiel, Spielzeug.

zócu , nm: ciogu, giogu*, zogu Definizione cosa chi si faet po passare ora, po gustu, po ispàssiu; cosa po giogare; cosa fàcile, bella a fàere / genias de giogu: a lantziamuru, a pramma in terra, a pramma a muru, a s'imbréstia, a pilí-pilò, a s'in gallita, a bacheta andhendhe, a s'imbusciconademilu, a s'iscabbu, a unolamonta, a su ciafu; genias de giogos (cosas po giogare): bíere totu is ggs. Sinonimi e contrari abbentu 1 / abbrédhulu, bellei, ischértiu, ispetàculu / brulla Modi di dire csn: leare sa cosa a zogu = pigai sa cosa sentza de seriedadi, coment'e chi siat de giogai; zúghere sa conca leada o manigada dae su zogu = pentzai a giogai isceti; fàghere bàtoro de zogu (zoghendhe a iscoba)= totu sos puntos, foras sas iscobas (lillu, primera, oros e cartas); zogu zogu, pódhighe in s'ogu = zoga zoghendhe s'ogru boghendhe, ca nachi est brullendhe ma ofendhet etotu! Frasi sos pisedhos no ndhe zughent de imprastu: pessant a su zogu! ◊ sos pisedhos istant sempre ordiminzendhe zogos ◊ su zogu piaghet fintzas a sos mannos, balla! 2. una cosa gai no mi est colada in conca mancu a zocu 3. su pisedhu si los faghet isse etotu sos zogos ◊ a su pitzinnu li ant batidu unu zogu 4. assustrat una cosa chi no s'ischit fàchere, ma cumintzau chi apamus est unu zocu 5. si no abberit a crae, custu friscu, li faghimus unu zogu Traduzioni Francese jeu, jouet Inglese play, toy Spagnolo juego, juguete Italiano giòco, giocàttolo Tedesco Spiel, Spielzeug.

«« Cerca di nuovo