Legenda Abbreviazioni | Legenda Simboli

brúere , nm: pruene Definizione pruine, terrighedha fine asciuta, alighedha fine meda / catzare su b. a unu (in suspu) = donaidhu una surra Sinonimi e contrari bruine, peúere, piúghere*, prúghine Frasi sa carrela est totu brúere, comente est dae meda chentza pròere Traduzioni Francese poussiére Inglese dust Spagnolo polvo Italiano pólvere Tedesco Staub.

brúvera, brúvora, bruvúa, brúvula, brúvura, bruvúra , nf: búfura, búlvara, búlvera, búlvura, búrvera, burvura, búrvura, búvera, prúvara Definizione genia de pruine chi iscópiat, impreau po fàere isprosivos, cartúcias, minas Sinonimi e contrari dinamite, prúghera Modi di dire csn: culu de búlvera = nadu de unu, chi perdet luego sa passéssia, letranghigurtzu; andhare chei sa b., in b. = isparèssiri, andai a coment'e su fumu, in chentu e unu bículu; niedhu chei sa búlvera = píghidu; isparare a búlvara chi no tzocat = cadhigare Frasi cussa roca est tosta, ma sa brúvera za la chimentat! ◊ bolat che sa búlvara! ◊ si l'at manigadu sa búrvera ◊ si no bi at búfura in sa canna su fusile no isparat ◊ mi régulo ponindhe sa bruvura, dipendhet si s'orroca est precolatza o craca 2. fit unu corvu niedhu che a sa búlvera ◊ oi ses cumenti a sa bruvura: pigas fogu illuegus! Traduzioni Francese poudre Inglese gunpowder Spagnolo pólvora Italiano pólvere da sparo Tedesco Schießpulver.

peúere , nm: piúbere, piúere, plúere, prúbere, prúiri Definizione terra asciuta a farinedhos fines fines, o fintzes àtera cosa fine fine Sinonimi e contrari brúere, bruine, piúghere*, piuru, prúghine / ttrs. piúbaru Frasi s'intendhet sa campana e paret chi piangat e nerzat chi no bi at chie si frangat de torrare a piúere (Prantaferru)◊ in sas profundhidades de sa Terra est tribagliendhe su símile meu piúbere ingullindhe e amargura ◊ cussa linna si est isfata in piúere Traduzioni Francese poussière Inglese dust Spagnolo polvo Italiano pólvere Tedesco Staub.

piúghere , nm: prúghere Definizione terra asciuta a farinos fine fine, fintzas àtera cosa finedhedha Sinonimi e contrari brúere, bruine, ciúghere, peúere, prúghine Frasi su prúghere bi fit a mes'anca ◊ fit menzus a èssere preda cudina, ludu, piúghere, chi no bàrdulu de dolore! Etimo ltn. pulvere(m) Traduzioni Francese poussière Inglese dust Spagnolo polvo Italiano pólvere Tedesco Staub.

proíne , nm: bruine, pruine, prúine, pruini, prúini, pruinu, prúinu, prúniu Definizione terrighedha fine fine asciuta, àliga finedhedha Sinonimi e contrari brúere, peúere, piore 1, piueraza, piúghere, prúghine Modi di dire csn: iscutulai su pruini a unu (nadu in suspu)= dàreli banzu; papare o fàghere papare pruine a ccn. = abarrai o lassai acoa, cambadu, bínciri a ccn. Frasi su pruini de sa fà pigat a iscrafíngiu ◊ in s'orruga afaca, in mesu a su proine, artzaiant is motos ◊ su punzu de terra chi betant a su baulu cheret nàrrede ca torraus a pruine 2. si fias lépidu coment'e candho ti apo connotu zeo, ti ndhe ant fatu papare de pruine!… Traduzioni Francese poussière Inglese dust Spagnolo polvo Italiano pólvere Tedesco Staub.

«« Cerca di nuovo