Ditzionàriu in línia
de sa limba e de sa cultura sarda

arremàre , vrb Definizione ingòllere rema, arremadiu Sinonimi e contrari acatarrare, arrasfriai, arremadiai, arrumai Etimo srd. Traduzioni Francese attraper la rhinite Inglese to catch rhinitis Spagnolo coger la rinitis Italiano prèndere la rinite Tedesco sich die Rhinitis holen.

ramadía , nf, nm: arramatia, ramatia, remadia, remadiu, romadia, romadiu Definizione genia de male chi benit a nàrigas po àere ingortu fritu: faet a istúrridos e a innisire Sinonimi e contrari afrenamentu, arrema, arresfriori, refreu / ttrs. rumadia Frasi fit una fémina sana chi mancu sa romadia resessiat a li pitzigare Terminologia scientifica mld Etimo srd. Traduzioni Francese rhinite Inglese rhinitis Spagnolo rinitis, resfriado Italiano rinite, infreddatura Tedesco Rhinitis.

refréu , nm: arrefreu, refriu, resfriu, rifriu Definizione genia de maladia chi faet mescamente a innisire, pigat a su nasu, a su gúturu, e chi benit po àere ingortu fritu meda, o po cambiamentu a cropu de temperadura Sinonimi e contrari arramatia, arrema, arresfriori, refreadura / cdh. risfriu Frasi mi est passau su resfriu e mi est passau s’arrennegu ◊ mi nche so dormiu inoche e mi nche so ischidau totu afritoriu: za mi apo a picare carchi rifriu, za! Terminologia scientifica mld Etimo spn. resfrio Traduzioni Francese rhume, rhinite Inglese cold, rinithis Spagnolo resfriado Italiano raffreddóre, rinite, infreddatura Tedesco Erkältung.