Ditzionàriu in línia
de sa limba e de sa cultura sarda

àbra , nf: ara, arba 1, arva 1, avra Definizione bentighedhu fridu meda, dannosu pruschetotu a su frutuàriu / min. abredha Sinonimi e contrari abrina, araghe, atza 1, frina, livrina, saniete / cdh. spunzina Modi di dire csn: pònnere a unu in s'ara = genia de frastimu; famiu che avra = famidu che ruga, meda (su bentu fridu abbruxat s'erba) Frasi sos duos zòvanos si secabant de linna bona e no fit una note de abra chi lis poniat pagura ◊ in tempos malos camminei che a s'avra mala ◊ un'avra punghinosa de bidhighia demozat custa terra catigada ◊ s'avra mi che at sicau s'ortu Terminologia scientifica tpm Etimo ltn. aura Traduzioni Francese bise Inglese very cold, wind (air) Spagnolo gris Italiano sizza, vènto gèlido Tedesco eisiger Wind.

abrína , nf: alvina, avrina Definizione bentu fridu cun népide; fintzes una genia de ànima mala Sinonimi e contrari abra, araghe, atza 1, disàura, frina, fruxone Frasi apo bidu sas avrinas de sas dies e sas rochellas Terminologia scientifica tpm Etimo srd. Traduzioni Francese bise Inglese very cold air Spagnolo viento frío Italiano sizza Tedesco eisiger Wind.

abriòre , nm: abrore, avriore, avrore Definizione fritu forte; su èssere abru, areste, arestadu, nau de cosas, de gente, de logu / s'avrore de sa morte mala = dolore, dispiaghere mannu Sinonimi e contrari abrura, frigidúmene, frigilidade, fritore, frizidore | ctr. basca, caentu, calura Frasi su focu in su cuzone cajentavat sa carena isfritia dae s'avrore ◊ pro te bi sunt sos abrores chi àlidant in sos buscos (F.Pitzolu)◊ s'abriore de zannarju mi móssiat sas carres ◊ sa note fit comintzandhe a dare borta e s'abriore si fachiat intèndhere piticandhe sas carres Terminologia scientifica tpm Etimo srd. Traduzioni Francese froid vif, sauvagerie Inglese very cold, wildness Spagnolo frío cortante, selvatiquez Italiano fréddo pungènte, selvatichézza Tedesco beißende Kälte, Wildheit.

abrósu , agt: avrosu Definizione chi est fridu meda, chi portat abrore, abra Sinonimi e contrari fridu, ispunzinosu Frasi mi est iscorandhe custu bentu abrosu ◊ est unu manzanu avrosu ◊ candho benit isprazas avrosas si apozat in palas de unu crastu Terminologia scientifica tpm Etimo srd. Traduzioni Francese froid Inglese cold Spagnolo frío, helado Italiano fréddo Tedesco kalt.

acatarràdu , pps, agt: acatarrau, aggatarrau Definizione de acatarrare; chi at ingortu arremadiu Sinonimi e contrari arrasfriau, arremadiau, arrumatu, remadu / sarragau, scanniu Frasi seo acatarradu de mala zenia 2. tue no ses sugeta a maladia, ma pares che a mie acatarrada (B.Mureddu) 3. portat una boxi de tromboni acatarrau Traduzioni Francese enrhumé Inglese to have a cold Spagnolo constipado, resfriado Italiano raffreddato Tedesco erkältet.

acatarrài, acatarràre , vrb: catarrare Definizione pigare o aciapare arremadiu Sinonimi e contrari arrasfriai, arremadiai, arremare, arrumai, incatarrai Terminologia scientifica mld Etimo srd. Traduzioni Francese s'enrhumer Inglese to get cold Spagnolo resfriarse Italiano infreddarsi Tedesco Katarrh bekommen.

afritorídu, afritoríu , agt: afritulidu, afrituridu, fritoridu Definizione chi tenet fritu meda, chi est tremendhosi de su fritu, fintzes chi sufrit su fritu, chi dhu aguantat pagu Sinonimi e contrari afrituladu, allintugliadu, ifritoridu / friarosu | ctr. afoghigiau, caente Frasi làssami caentare: no lu bides chi so totu afritoridu?! ◊ dae su giogu, istracu de currizare, recuit Nanni mesu afritoridu ◊ unu petiruju afritoridu si ndhe cheret intrare a sa pinneta 2. de su sole sos rajos no mi dant calura, so fatendhe afritulidu s'última pitzulada a mala gana (P.Muresu) Etimo srd. Traduzioni Francese transi de froid Inglese cold Spagnolo muerto de frío Italiano infreddolito Tedesco fröstelnd.

afrituríre , vrb Definizione ifridare, pigare fritu meda Sinonimi e contrari impistulai Etimo srd. Traduzioni Francese attraper froid Inglese to feel cold Spagnolo enfriarse Italiano infreddolire Tedesco frösteln.

aggangrenadúra , nf Definizione su cangrenare, su mòrrere de sa carre pudrigandho, faendho in matéria; su inteterare chi si faet po su fritu Sinonimi e contrari cangrena / cancaramentu Terminologia scientifica mld Etimo srd. Traduzioni Francese gangrène, rigidité Inglese gangrene, stiffness deriving from an excess of cold Spagnolo gangrena, entumecimiento Italiano cancrèna, rigidità articolare da fréddo Tedesco Brand, vor Kälte gestarrte Gelenke.

aràghe, aràgi, aràgia , nf, nm: araxi, oragi Definizione bentighedhu fritu / araxi de fogu = su caentedhu de su fogu, coment'e bentighedhu chi benit de su fogu Sinonimi e contrari abra, abrina, arvile, atza 1, frina, saniete Frasi fait araxi frida ◊ cant'e una pampixedha móvia de un'araxi ligeru circu de mi allonghiai po ti biri (S.Medved)◊ cust'araxi dhis fait dannu a is birduras! 2. femu abarrau fúrria fúrria coment'e una tratalia posta araxi a fogu ◊ si aparant a s'araxi de su fogu po si callentai Etimo srd. Traduzioni Francese brise froide Inglese cold breeze Spagnolo brisa fría Italiano brézza frédda Tedesco kühle Brise.

arragòre , nm: arregore, regore Definizione fritu forte chi astrat totu Sinonimi e contrari astra, astragore, àstragu, astraura, bedhia, belu, celexia, ghiàciu, marcóriu Frasi cussos tudhos d'erva los at brusiados s'arragore ◊ fit totu ateterau dae s'arregore, apedicandhe nive Terminologia scientifica tpm Etimo ltn. rigore Traduzioni Francese gel Inglese intense cold Spagnolo hielo Italiano gèlo Tedesco Frost.

arremadiài , vrb: arremmadiare, arromadiai, arromadiare Definizione pigare o ingòllere rema, arremadiu Sinonimi e contrari acatarrare, arrasfriai, arremare, arrumai Etimo srd. Traduzioni Francese s'enrhumer Inglese to get cold Spagnolo resfriarse, constiparse Italiano infreddarsi Tedesco sich erkälten.

arremadiàu , pps, agt: arromadiau, arromariau Definizione de arremadiai; chi at ingortu arremadiu Sinonimi e contrari acatarradu, annastuladu, arramadiedhau, arrasfriau, arrumatu, remadu Frasi pariat sa boghe de un'orcu arromadiadu Traduzioni Francese enrhumé Inglese cooled, cold Spagnolo constipado Italiano raffreddato Tedesco erkältet.

arresfriòri , nm Definizione genia de maladia, ifadosa ma no mala, chi faet mescamente a innisire, leat a nares, a su gúturu, e benit po àere ingortu fritu meda (o fintzes po allergia) Sinonimi e contrari arramatia, arrefreu, arrema, refreadura Frasi fémina sana, cussa: in corant'annus no at tentu mai un'arresfriori Terminologia scientifica mld Etimo srd. Traduzioni Francese rhume Inglese cold Spagnolo resfriado Italiano raffreddóre Tedesco Erkältung.

arrumàtu, arrumàu , agt, pps Definizione de arrumai; chi at ingortu arremadiu Sinonimi e contrari acatarradu, annastuladu, arrasfriau, arremadiau, remadu Traduzioni Francese enrhumé Inglese been cold Spagnolo constipado Italiano raffreddato Tedesco erkältet.

arvíle , nm Definizione ariedha, bentighedhu fridu meda Sinonimi e contrari abra, abrina, araghe, atza 1, saniete Etimo srd. Traduzioni Francese brise froide Inglese cold breeze Spagnolo brisa fría Italiano brézza frédda Tedesco kühle Brise.

astragòre , nm: astraore Definizione fritu forte meda, fintzes s’abba cagiada de su fritu / candhelobbru de astraore = candheloto, astrau Sinonimi e contrari arragore, astraghera, àstragu, astraura, astrore, belu / cdh. strimentu Frasi est falendhe s'astraore, custas notes ◊ zuchet sos pilos tèteros che brocu dae s'astragore ◊ cun s'astrore bi at perígulu de illiscigare ◊ su picapedreri in s'ierru fit sempre fresadu de s'astraore Cognomi e Proverbi prb: astrores e traschias, annúntziu de maladias Terminologia scientifica tpm Etimo srd. Traduzioni Francese gel persistant Inglese persistent cold Spagnolo frío intenso Italiano gèlo insistènte Tedesco Frost.

àstragu , nm: astrau, àstrau Definizione àcua cagiada de su fritu forte Sinonimi e contrari arragore, astra, astragore, astraura, bedhia, belu, bistradu, celexia, marcóriu, scitore Frasi a bandha de foras bi aiat carchi tupichedha de frores brusiada de s'àstragu ◊ titia, caèntadi chi pares unu cantu de astrau! Etimo ltn. astratum Traduzioni Francese glace, gel Inglese ice, cold Spagnolo hielo Italiano ghiàccio, gèlo Tedesco Eis, Frost.

astraúra , nf Definizione fritu a meda e a tempus longu Sinonimi e contrari arragore, astra, astragore, bedhia, celexia | ctr. caentu Etimo srd. Traduzioni Francese gel persistant Inglese persistent cold Spagnolo frío intenso y durable Italiano gèlo insistènte Tedesco Frost.

ateteràda , nf Definizione su ateterare Sinonimi e contrari ateteramentu, cancaratzone, incirdinadura Etimo srd. Traduzioni Francese raidissement, engourdissement Inglese turning cold Spagnolo entumecimiento Italiano irrigidiménto Tedesco Versteifung.