Legenda Abbreviazioni | Legenda Simboli

avansàre , vrb: avantare, avantzai, avantzare, avassare Definizione andhare, intrare a unu logu, passare prus ainnanti (nau siat po fàere tretu, camminu, tempus, e fintzes giaendhosi arrexones foedhandho, atrivindhosi a calecuna cosa); èssere prus de un'àteru, èssere o essire de prus, prus mannu, méngius; fàere un’avansada, una proposta / (candho ccn. tochedhat a una zanna) Avantza!, avantzade! = intra!, intrai!, itl. avanti! Sinonimi e contrari antebitzare / crèschere, ilmagnare, immannitare | ctr. incuire Frasi avantzade, no timedas, sas benénnidas siedas, rúndhines a domo mia! (P.Mossa)◊ chie fuit, chie avassat ◊ de custu sos Gudhusoinos ne fint manninos e si nche avassaiant, nessi in limba (G.Albergoni)◊ si lu perdonas bochimus a tie: a tantu no ti avasses! ◊ ahn, tui ses: avantza! ◊ su frizidore si fachet prus reberde a manu a manu chi sa die avantzat 2. si sa salludi mi assistit, mi bollu avantzai de su chi seu (Gn.Piu)◊ deo no peso de prus, ma mancu tue avantzas mancu un'untza: semus aggualaos 3. si tenint domanda de avantzai po filla nosta chi dh'avantzint a tui Traduzioni Francese avancer Inglese to advance Spagnolo avanzar Italiano avanzare (andare, venire avanti), sopravanzare Tedesco vorwärts gehen, überragen.

soberàre , vrb: soblare, sobrai, sobrare, sorbai, sorbare, subrare Definizione èssere de prus, meda, abbundhante, méngius; fintzes fàere istravítzios, papare e bufare a tropu / sorbai su coràgiu, s'ànimu (nau a marrania) = zúghere o àere corazu, atrivimentu, bastare s'ànimu pro…, marranu chi… Sinonimi e contrari avansare 1, cabulare, romànnere, subercai, trobbare | ctr. chèrrere, faltai, mancai Frasi si at carrigau sa meltze chi li est soberada ◊ no bi at niuna pintura chi subrare ti potat in bellesa ◊ si ti sobrat ora, beni ca mi azuas! ◊ de su presépiu de annos passados mi at sobradu solu unu pagu de rena 2. chi ti sorbat su coràgiu faidhu! Etimo spn. Traduzioni Francese dépasser, excéder Inglese to exceed Spagnolo sobrar, excederse Italiano sopravanzare, avanzare, eccèdere Tedesco übrigbleiben, übertreffen, übertreiben.

«« Cerca di nuovo