Ditzionàriu in línia
de sa limba e de sa cultura sarda

àju , nm: asiu, àsiu, axiu 1, àxiu, axu Definizione tempus chi unu si leat a discantzu, cun trancuillidade, po fàere calecuna cosa prus che àteru de divagu, chentza pentzamentos / a ndh'at de s'àsiu de!… (+ vrb.) = totu est chi abarrit!…(+ vrb. ger.), est in debbadas chi abetit, chi sigat a…; istare de mal'àsiu = male, duritosu Sinonimi e contrari praxu Frasi s'aju sou fit a intèndhere píulos de cionca in note de luna ◊ ischit petzi a irgherrimiare, cussu pitzocu: s'àsiu l'est zirandhe su tinu! ◊ in dommo issoro àsiu no bi ndh'at mai: sa mama fachindhe sas fainas de dommo, sas fizas cusindhe, babbu e fizu fachindhe sa zorronada ◊ de cudha cosa gei nd'eus a chistionai in ora de àsiu ◊ ponedibbei cun aju a tentare in binza! 2. a ndh'at de s'àsiu de aspetare: su chi cheret isse no bi l'ant a dare mai! ◊ ndh'apo aju de istare iseta iseta: giustítzia pro me iseto invanu! ◊ teniat àsiu de itzerriai: cudh'ómini fiat surdu e no dh'intendiat ◊ ndhe aiat de aju de rispòndhere cun peràulas santas e giustas!… 3. no tocat a donai asiu a is delincuentis de sumbullai sa genti ◊ no bi agguanto afaca a unu maláidu: mi leat sa brigonza, isto de mal'ásiu ca no isco it'e nàrrere Etimo itl.t asio Traduzioni Francese aise Inglese comfort Spagnolo holgura Italiano àgio, còmodo Tedesco Bequemlichkeit.

codomidàde , nf: codumidade, comodidade, comodidadi, comoditate Definizione cosa, fatu o trastu chi arrespràmiat pelea e faet su trebballu discantzosu; logu po istare fatu bene de dhue pòdere istare cun prus facilidade Sinonimi e contrari codumàntzia, comodesa, cumbénia, cumbeniéntzia Frasi sa samunadora, su frigoríferu, su gassu sunt totu bellas codomidades ◊ in domo bi tenet totu sas comodidades ◊ sa terratza est una codomidade, candho faghet a l'àere Traduzioni Francese confort Inglese comfort Spagnolo comodidad Italiano comodità Tedesco Bequemlichkeit.

codumàntzia , nf Definizione cosa, fatu o trastu chi arrespràmiat pelea e faet su trebballu discantzosu Sinonimi e contrari codomidade, cumbénia Frasi sas codumàntzias mannas de oe incurtzant e illébiant sas peleas Traduzioni Francese confort Inglese comfort Spagnolo comodidad Italiano comodità Tedesco Bequemlichkeit.

cumbénia , nf, nm: cumbéniu Definizione trastu o àteru chi serbit a fàere calecuna cosa prus a cómudu, cun prus facilidade, a discantzu Sinonimi e contrari codomidade, cumbeniéntzia | ctr. discumbénia Modi di dire csn: bènnere a cumbéniu (nadu de una cosa) = bènnere a betu, andai bèni a dha fai; cojuviu de cumbéniu = fatu pro carchi torracontu, no pro istima de sas pessones; èssere, andhare a cumbéniu meu, tou, sou, e gai = comente andhat bene a mie, a tie, a isse, e gai Frasi cumbénios coment'e frigoríferu, samunadora, e gai no bi ndh'iat a sos tempos ◊ ite cumbéniu logras candho fiudu isposas a connada? ◊ at comporatu su partò a s'isconcata solu pro sa cumbénia de su preju baratu 2. a cumbéniu siat o a discumbéniu, sa cosa tocat a la fàghere Etimo srd. Traduzioni Francese confort, commodité Inglese comfort Spagnolo comodidad Italiano comodità Tedesco Bequemlichkeit.

cumbeniàre , vrb: acumbeniare* Definizione pònnere is cumbénias, is comodidades, mescamente in sa domo Sinonimi e contrari acumbenentziare Traduzioni Francese doter un appartement de tous les conforts Inglese to provide with comforts Spagnolo poner comodidades en la casa Italiano provvedére del conveniènte, di comodità Tedesco für die Bequemlichkeit sorgen.