Legenda Abbreviazioni | Legenda Simboli

apatènte , nf: patente* 2 Definizione documentu de s'autoridade chi assegurat de comente unu at fatu calecunu istúdiu o est autorizau a fàere calecuna faina: oe, prus che àteru su documentu de chie at imparau a guidare unu mezu Traduzioni Francese permis de conduire Inglese license Spagnolo licencia, permiso Italiano patènte Tedesco Erlaubnis, Führerschein.

lesséntzia , nf: licensa, licéntzia, lissénsia, lissentza, lisséntzia Definizione genia de permissu chi si giaet e tempus chi s'istat chentza atèndhere a calecunu dovere, fintzes su fógliu chi dhu giaet e dhu precisat; genia de permissu de s'autoridade púbblica po pòdere fàere calecuna faina (es. bèndhere, portare gente e àteru) Frasi pro nois fit istadu gosu e gustu si ti aiant dadu sa lissénsia! (Pirastru) 2. siu Giuanni fut andau a iscola po biri chi arrennesciat a si ndi pigai sa licensa de cassa ◊ istanote che ndh'amus de armonia a modulassione de frecuentza, como chi s'ant bogadu sa lissentza sos poetedhos de sa Baronia!…(Sassu) Traduzioni Francese licence, permis, permission, congé Inglese permission, licence Spagnolo licencia Italiano licènza Tedesco Erlaubnis, Schein.

patènte 2, patènti , nf: apatente Definizione documentu de s'autoridade chi assegurat de comente unu at fatu calecunu istúdiu o est autorizau a fàere calecuna cosa: oe, prus che àteru su documentu de chie at imparau a guidare unu mezu a motore Etimo itl. Traduzioni Francese permis de conduire, license Inglese license Spagnolo permiso de conducir Italiano patènte Tedesco Erlaubnis, Führerschein.

pelmíssu , agt, nm: permissu, pilmissu, premissu Definizione chi si lassat o chi si podet fàere; genia de adduida chi si giaet po pòdere fàere calecuna cosa / pàrriri sa morti in p. = lègius de fai a tímiri, pantàsimas 2. àpidu su pelmissu regulare, cun sas retas a pala, fatendhesindhe gala, Pep'Iscedhu si aviat a piscare ◊ candho creia de bos cuntentare, in s'ufítziu mi ant negadu su permissu! Traduzioni Francese permis, permission Inglese permission Spagnolo permiso Italiano permésso Tedesco erlaubt, Erlaubnis.

«« Cerca di nuovo