Legenda Abbreviazioni | Legenda Simboli

acasàgiu , nm: acasazu, agasazu Definizione su arrecire a unu, su dhi fàere bonu a cara, pigandhodhu, ingollendhodhu; fintzes sa cosa chi si presentat o chi si giaet faendho acasàgiu Sinonimi e contrari acatu, acasazada, acasontzu, acogliéntzia, arrecia, ospedàgiu, tratonzu / frandhigu Frasi Beatrice at dadu acasàgiu a Dante candho est andhadu a l'agatare ◊ bellu acasazu faches a sa zente de fora!…◊ sos amicos m'ant fatu unu bellu acasazu ◊ sos balentes de commo nos pintant milli fàvulas inghisias de frassos acasazos chircandhe manicadorjas de oro! 2. cun cussos issudhos in conca sa mama no est atinandhe mancu a fàchere un'acasazu a sos pitzinnos 3. su manzanu de sa festa sas oberajas che falant totu s'acasàgiu a sa chéjia (N.Fadda) Etimo spn. agasajo Traduzioni Francese accueil Inglese welcome Spagnolo acogida, hospitalidad Italiano accogliènza Tedesco Gastfreundschaft.

acódhu , avb, iscl: acollu 1 Definizione est innòi, est bénniu, si bit Sinonimi e contrari addeallu, allodhu, midhu Frasi a s'arbeschidorza acodhos, sos piratas! (G.Sanna)◊ chie tenet dinaris de avassu, de los impiegare acolla s'ora! ◊ che passat una die, duas, tres… a candho acollu totu caratzadu! ◊ si chircas unu padronu, su padronu acollu inoghe! Traduzioni Francese le voici, le voilà Inglese here he is! Spagnolo ¡helo aquí! Italiano èccolo! Tedesco Gastfreundschaft, Heim.

acollózu , nm: acullozu Definizione logu inue istare a crocare Sinonimi e contrari pasada / acasàgiu, ospedàgiu 2. un'ateruna die su pedulianu torrat e dimannat limússina e acullozu Traduzioni Francese hospice Inglese lodging, hospice Spagnolo refugio donde dormir Italiano ospitalità, ospìzio Tedesco unterbringen, Gastfreundschaft gewähren.

istranzàre , vrb: strangiai Definizione andhare a logu angenu, fàere s'istràngiu, andhare a foraidha; bogare a logu istràngiu (nau de animale, istesiare de sa chedha); arrecire s'istràngiu Sinonimi e contrari essire / allargai, stratallai / stagiai / acasagiai Frasi cussu est in bidha nostra istranzendhe ◊ in Sardigna sa gianna est sempre abberta pro sos chi ant sa fortuna de che istranzare ◊ amus istranzadu in sa Luna cun su coro imberriadu de iscàscios ◊ unu mese intreu b'istranzei 2. sempri bírdia cun sa genti tua, as istrangiau medas fillus peri su mundhu 3. si est afetzionada a chie l'at istranzada ◊ sa zente fit cuntenta ca in terrinu sou aiat istranzadu unu santu ◊ sunt totu impedinados de nos istranzare Traduzioni Francese aller en villégiature, loger Inglese to spend one's holiday, to take in Spagnolo irse de vacaciones, hospedar Italiano villeggiare, ospitare Tedesco seinen Urlaub verbringen, Gastfreundschaft gewähren.

ospedàgiu , nm: ospedazu, ospidàgiu Definizione su acasagiare sa gente, su dha pigare o fàere intrare a domo Sinonimi e contrari acasàgiu, acollozu, ospedu Frasi est bénnidu a bidha e dadu li amus ospedazu ◊ postu lis do, ospedàgiu e libbertade Etimo ctl., spn. hospedatge Traduzioni Francese hospitalité Inglese hospitality, lodging Spagnolo hospedaje Italiano allòggio, ospitalità Tedesco Beherbergung, Gastfreundschaft.

«« Cerca di nuovo