Ditzionàriu in línia
de sa limba e de sa cultura sarda

arrepéntu , nm Sinonimi e contrari arrepentimentu, impudu, penetu Frasi si dha domandu tengu bregúngia, si no dha domandu tengu arrepentu (A.Cannas) Etimo srd. Traduzioni Francese repentance, remords Inglese repentance Spagnolo arrepentimiento Italiano pentiménto Tedesco Reue.

cussentiméntu , nm Definizione su cussentire, su atuare a su male chi si faet, cumprèndhere chi andhat male e cambiare cumportamentu Frasi no ndhe zughet de cussentimentu: li narant sa cosa ma sighit a fàghere su chi andhat male Etimo srd. Traduzioni Francese repentir Inglese reformation Spagnolo arrepentimiento Italiano ravvediménto Tedesco Reue.

peneténscia, peneténsia, peneténtzia , nf: penetéscia, peniténscia, peniténtzia, penitéscia, penitéssia Definizione cosa chi si faet in càmbiu e curretzione po su male fatu; sufrimentu chi si tenet chentza dhu bòllere, chi si peleat coment'e una cundenna / pònnere, impònnere sa p., dare sa p. o in p. a ccn. Sinonimi e contrari pena, penória, sufrimentu | ctr. gosa Frasi cun totu chi fis sempre faghindhe peneténscia e in deunzu, mi as colpadu a s'ischina a pedra in punzu (A.Dettori)◊ su cunfessore mi ponzeit una peniténtzia de rigore ◊ gei no as a andai a monti a fai peniténtzia! ◊ dhi essiat dónnia noti un'ànima chi boliat a ndi dha bogai de peniténtzia 2. e aite lu tenet a maridu, cuss'imbriagone: a penitéssia?! ◊ za la tenet sa penitéssia, cun cussu fizu istropiadu!…◊ de no aer criaduras mi est tocadu in penetéscia (T.Rubattu)◊ non bollu bivi in sa peneténtzia de mi cojai cun cudhu béciu! Cognomi e Proverbi prb: chie at fatu su pecadu fatat sa peniténtzia Etimo ltne. paenitentia Traduzioni Francese pénitence, souffrance Inglese penance, torment Spagnolo penitencia, sufrimiento Italiano penitènza, patiménto Tedesco Reue, Buße.

penétu , nm: apenetu Definizione impudu, dispraxere forte po calecuna cosa de malu chi unu at fatu Sinonimi e contrari arrepentimentu, penetimentu, impudu / dispiachere, pena Frasi como pagu mi balet su penetu ca m'impudo de cantu apo fatu ◊ oras lasso chene contu, chene penetu, ne male 2. sa zòvana, gai ammudia, fachiat finas penetu a sas cumpanzas 3. si lamentat che ànima a penetu Etimo srd. Traduzioni Francese repentance, remords Inglese repentance Spagnolo arrepentimiento Italiano pentiménto Tedesco Reue.

scalméntu , nm: iscalmentu*, scramentu, scrammentu Definizione genia de imparu de su àere provau calecunu male / pigai s. de ccn. = iscarmentare, currèzeresi pro aer bidu dannu in àtere, imparare dae àtere Sinonimi e contrari iscadha, iscadhura Frasi no cuncordu prus nudha: ndi apu parau scramentu! ◊ de mei, piciocas, pigheindi scramentu, poita chi su mundu mi at iscramentau! Traduzioni Francese repentir Inglese reformation Spagnolo escarmiento Italiano ravvediménto Tedesco Reue.