Ditzionàriu in línia
de sa limba e de sa cultura sarda

caltzamènta , nf: cartzamenta Definizione trastu fatu in forte de bestire in is peis Sinonimi e contrari caltzinzu, cartzadura, cosíngiu / cdh., caltzamentu Frasi sa zente crobaiat prus torracontu a si leare cartzamenta fata ◊ zughet sa cartzamenta chentza corrias Terminologia scientifica bst, sbb Etimo srd. Traduzioni Francese chaussure Inglese footwear Spagnolo calzado, zapato Italiano calzatura Tedesco Schuh.

càrtu , nm: cartzu Definizione trastu fatu in forte de bestire a is peis Sinonimi e contrari caltzamenta, caltzinzu, cartzadura, cosignu Frasi ocannu mi cheret cartu nou, ca sas iscarpas chi tenzo sunt betzas ◊ irveta ca mi vesto sa camisa e mi prendho su cartu! Cognomi e Proverbi smb: Cartigheddu Etimo srd. Traduzioni Francese chaussure Inglese shoes Spagnolo calzado Italiano calzatura, scarpe Tedesco Schuh.

crapíta , nf Definizione cartzamenta prus che àteru bàscia / c. acioada, taciada = iscarpa bullitada Sinonimi e contrari iscalpa* Frasi custas crapitas mi andant própiu bèni: parint talladas e cosias a pitzus de is peis mius! ◊ custas crapitas mi assétiant própiu bèni! Cognomi e Proverbi prb: a su pei de su pòberu bandat bèni dogna crapita Terminologia scientifica bst Traduzioni Francese chaussure Inglese shoe Spagnolo zapato (m) Italiano scarpa Tedesco Schuh.