Ditzionàriu in línia
de sa limba e de sa cultura sarda

caltzamènta , nf: cartzamenta Definitzione trastu fatu in forte de bestire in is peis Sinònimos e contràrios caltzinzu, cartzadura, cosíngiu / cdh., caltzamentu Frases sa zente crobaiat prus torracontu a si leare cartzamenta fata ◊ zughet sa cartzamenta chentza corrias Terminologia iscientìfica bst, sbb Ètimu srd. Tradutziones Frantzesu chaussure Ingresu footwear Ispagnolu calzado, zapato Italianu calzatura Tedescu Schuh.

càrtu , nm: cartzu Definitzione trastu fatu in forte de bestire a is peis Sinònimos e contràrios caltzamenta, caltzinzu, cartzadura, cosignu Frases ocannu mi cheret cartu nou, ca sas iscarpas chi tenzo sunt betzas ◊ irveta ca mi vesto sa camisa e mi prendho su cartu! Sambenados e Provèrbios smb: Cartigheddu Ètimu srd. Tradutziones Frantzesu chaussure Ingresu shoes Ispagnolu calzado Italianu calzatura, scarpe Tedescu Schuh.

crapíta , nf Definitzione cartzamenta prus che àteru bàscia / c. acioada, taciada = iscarpa bullitada Sinònimos e contràrios iscalpa* Frases custas crapitas mi andant própiu bèni: parint talladas e cosias a pitzus de is peis mius! ◊ custas crapitas mi assétiant própiu bèni! Sambenados e Provèrbios prb: a su pei de su pòberu bandat bèni dogna crapita Terminologia iscientìfica bst Tradutziones Frantzesu chaussure Ingresu shoe Ispagnolu zapato (m) Italianu scarpa Tedescu Schuh.