Legenda Abbreviazioni | Legenda Simboli

abbogiàre , vrb: abbojare, abbozare 1, abboxare 1, bojare Definizione bènnere apare de personas, animales o cosas chi si movent s'unu a cara a s'àteru Sinonimi e contrari addobiare, addopare, assortí, azobiare, coviare, obiai, ogiare Frasi sos pisedhos su manzanu abbojant totugantos a iscola ◊ fia andhendhe a cumandhu e apo abbojadu a frade tou ◊ sa ferrovia de Carbónia che abbojat a s'istatzione de Bidhamassàrgia ◊ est benzendhe a mi abboxare in s'intrada ◊ nos semus abbozados cun àteros pitzinnos ◊ abboxade a sas riuniones! 2. e a ue abbojat su chi ses nendhe?! Etimo srd. Traduzioni Francese rencontrer Inglese to meet Spagnolo encontrar, coincidir Italiano incontrare, coincìdere Tedesco treffen.

addopàre , vrb: atopai, atopare, atopari, atopiare, topare Definizione fàere atopas, atopos, atóbiu, bènnere apare de gente, animales o cosas chi andhant s'unu abbia a s'àteru, bènnere a si agatare in su matessi logu Sinonimi e contrari abbogiare, adobiai, assortí, azobiare, coviare, intopai, obiai Frasi commo mi atopat e no mi favedhat ◊ su pensamentu curret a sa gianna pro atopare sa persone cara ◊ atòpali a caminu ca no ischit su logu! ◊ mi est atopadu Antoni Cubeddu ◊ no aiat mai atopiadu cristianu che custu ◊ totu sa fegliutina de Istelai aiat atopatu a su ponte ◊ a s'atopu dèu no atopu! Traduzioni Francese rencontrer Inglese to encounter Spagnolo encontrar, topar Italiano incontrare Tedesco treffen.

adobiài , vrb: atobiae, atobiai, atobiare, atobiari, atoviare Definizione bènnere apare de personas, animales o cosas chi si movent s'unu a cara a s'àteru, nau fintzes in su sensu de si agiuare apare o de agiudu, de si pònnere ananti coment’e a firmare a ccn. o calecuna cosa; andhare o cúrrere aifatu a ccn. po dhu aciapare / atobiaisí faci po faci cun… = abbojàresi própriu acurtzu, a cara a cara cun… Sinonimi e contrari abbogiare, abbruncai, addopare, azobiare, coviare, obiai / agiudai / agatare, tènnere Frasi est andau a si atobiai cun calincunu ◊ eus a atobiai a chini nau dèu ◊ candho che tocat su mesunote atoviamus a pratza ◊ funt andhaos in medas a dh'atobiae a s'istatzione ◊ a sa essida de bidha fradi miu atóbiat cun cust'ómini e… 2. fendi sa cummédia, unu fuedhat e s'atru dh'atóbiat 3. lassa istai is prantus, ca no atóbiant a nudha! 4. atobiaidedhu, a cussu, ca mi at isdorrobbau! ◊ is bagadias si ammachiànt avatu de cussus bellus piciocus e is mamas no isciant comenti fai a dhas atobiai Traduzioni Francese rencontrer, acheminer Inglese to meet, to convoy Spagnolo encontrar, topar Italiano incontrare, convogliare Tedesco begegnen, treffen, leiten.

cunvégnu , nm: cunvennu Definizione atóbiu, assortimentu mannu de gente po foedhare de calecuna chistione Traduzioni Francese congrès Inglese meeting Spagnolo congreso, reunión Italiano convégno Tedesco Treffen.

imperdigonài, imperdigonàre , vrb Definizione fèrrere isparandho a perdigones Sinonimi e contrari isperdiconare, perdigonai Etimo srd. Traduzioni Francese cribler de balles Inglese to riddle with shot Spagnolo disparar perdigones Italiano impallinare Tedesco mit Schrot treffen.

obiàe, obiài, obiàre, obiàri , vrb: opiare 1, oviare Definizione fàere óbia, bènnere apare de personas, animales o cosas chi si movent s'unu a cara a s'àteru, nau fintzes in su sensu de si cricare, de si bíere, de parare fronte a unu male po dhu pòdere bínchere o fintzes firmare o furriare Sinonimi e contrari abbogiare, addopare, adobiai, azobiare, coviare, ogiare Modi di dire csn: obiare cosa apare = collire, pònnere paris, acabidai; obiare sa binza = acapiai su pàmpinu, prèndhere; obiare sa basca = pònnere cosa a fàghere umbra Frasi no mi podiat biri e candu mi obiàt nci furriàt su bruncu ◊ dh'at obiau torrendu a funtana ◊ a su piciocu dhu obiàt a iscusi ◊ custu crabineri si est opiau cun zente ladra ◊ si mi óbias naras chi no mi as bidu! 2. su fogu tocat a dh'obiari innantis chi abbruxit totu! ◊ obiadhus a fusti cussus animalis, chi no passint! ◊ óbiami sas bacas no ch'essant atesu!◊ cussu pastori no dhas óbiat is brebeis e po cussu gei fàinti dannu! 3. candho beniat de obiare apare su dinare de nosi picare su bestire ince furint is pacamentos ◊ si at afachiau zente obiada dae cada bidha ◊ assortau, cussu: at obiau una bella picioca! Etimo ltn. obviare Traduzioni Francese rencontrer Inglese to meet Spagnolo encontrar, topar Italiano incontrare Tedesco treffen.

zobiàre , vrb: azobiare, giobiare, zoviare Definizione atobiare, bènnere apare de personas, animales o cosas chi si movent s'unu a cara a s'àteru Sinonimi e contrari abbogiare, addopare, adobiai, coviare, inzovare, obiai* Frasi isperat de lu zoviare ca est in cussa filada ◊ sos zòvanos ant picau su baule dae su portale de crésia e che l'ant zobiau a campusantu Traduzioni Francese rencontrer Inglese to meet Spagnolo topar, tropezar Italiano incontrare Tedesco treffen.

«« Cerca di nuovo