Ditzionàriu in línia
de sa limba e de sa cultura sarda

abbidída , nf Definizione su èssere abbistos, ischidos, s'abbilidade de bíere e de cumprèndhere Sinonimi e contrari abbiléncia, abbilesa, abbilidade, abbistesa, abbristéntzia, capacidade, spertesa Etimo srd. Traduzioni Francese perspicacité Inglese canniness Spagnolo prudencia, acierto Italiano avvedutézza Tedesco Umsicht.

abbistèsa , nf Definizione su èssere abbistos, capacidade de cumprèndhere Sinonimi e contrari abbidida, abbiléncia, abbilesa, abbilidade, abbristéntzia, capacidade, spertesa | ctr. caduméntzia, iscabadesa Frasi Deus at dau a s'ómine sa paràgula, s'abbistesa e sa libbertade ◊ oe s'abbistesa chi ponent in s'imbéniu ti lassat semper prus meravillau ◊ cussa pitzoca tenet cada bene e cada abbistesa ◊ chin tota s'abbistesa tua, su tempus trampat a tie! ◊ tue ses malignu, no abbistu, ca malignidade no est abbistesa! Etimo srd. Traduzioni Francese adresse Inglese astuteness Spagnolo agudeza Italiano accortézza, perspicàcia Tedesco Umsicht.