Ditzionàriu in línia
de sa limba e de sa cultura sarda

acumónu , nm Definizione su acumonare, su si acomunare Sinonimi e contrari abbojamentu, acumonamentu, atóbiu, sortinzu Frasi is ànimas de is duus, biaxendi conca a s'acumonu de is mortus, si fiant atopadas (E.Sanna/M.B.Lai) Etimo srd. Traduzioni Francese rassemblement Inglese meeting Spagnolo reunión Italiano raduno Tedesco Versammlung.

adunàda , nf Definizione atóbiu de gente meda, prus che àteru de militares po órdine de is cumandhantes Sinonimi e contrari atóbiu Traduzioni Francese rassemblement Inglese muster Spagnolo formación (mil), concentración Italiano adunata Tedesco Versammlung, Appell.

adunàntzia , nf Sinonimi e contrari assemblea, atóbiu, riunione Traduzioni Francese assemblée Inglese assembly Spagnolo reunión Italiano adunanza Tedesco Versammlung.

arrógliu , nm: arróliu, arrólliu, arrollu, rógliu Definizione su istare postos a inghíriu, su andhare a inghíriu de ccn. o de calecuna cosa (e fintzes totu su chi si narat in cumpangia, mescamente a befa, po erríere), is chi faent arróliu; logu tundhu po acorru, fossu a inghíriu de calecuna cosa; cosa fata a posta o a prou chi ponet s'ómine provocau, o pertocau in calecuna cosa, in punna de si difèndhere; genia de giogu chi faent is piciochedhos Sinonimi e contrari arrodeu, rotólliu / camarada Modi di dire csn: pònnere s'arrógliu a unu = dàreli a subra a peràulas, a briga, chircàreli contos de pagare; sartai s'arrólliu = essire dae su límite, fàghere su chi no andhat bene; fai sartai s'arróliu a ccn. = catzarechelu Frasi si avertit sa genti ca custu merí nci at un'arrólliu me in pratza ◊ bidiat un'arrólliu de cuatru bestiedhas ◊ cussu no si ammesturat in s'arrógliu nostru ◊ ant fatu s'arróliu pighendi su friscu, me in s'arruga ◊ dhi faiant s'arrólliu arriendi ◊ is pipius acostant a s'arróliu e ascurtant is contus de is mannus 2. arregordu a mamma sétzia e nosu totus a arróliu abetendi sa figumorisca candu dh'iscroxàt 3. marru sa terra a sa mata po dhi fai unu bellu arrólliu 4. is chi ant pérdiu ponint is bardúfulas aintru de un'arróliu po dhas iscudi su bincidori 5. canno l'at imbénnitu, su tzilleraju deretu li ponet s'arrógliu a li pacare su bufu ◊ si podint ispassiai, ma onestamenti, sentza de sartai s'arrólliu! Etimo ctl. rotlle Traduzioni Francese cercle, réunion Inglese group Spagnolo rodeo, corro Italiano cìrcolo, cròcchio, riunióne Tedesco Kreis, Gruppe, Versammlung.

assemblèa , nf Definizione atóbiu de gente meda po chistionare de calecuna cosa o pigare una decisione: mescamente si narat de s'atóbiu de is chi funt essios votaos a fàere parte de un'organísimu chi aprovat leis o chi tenet unu podere púbblicu Sinonimi e contrari adunàntzia, arrodeu, godheta, riunione Traduzioni Francese assemblée Inglese meeting Spagnolo asamblea Italiano assemblèa Tedesco Versammlung.

godhèta 1 , nf Definizione gente totu atobiada apare po calecuna chistione Sinonimi e contrari adunàntzia, arrodeu, riunione Traduzioni Francese collège Inglese board Spagnolo colegio Italiano collègio Tedesco Versammlung.

reuniòne, reuniòni , nf Definizione atóbiu de duas o prus personas fatu apostadamente po ccn. iscopu o motivu Sinonimi e contrari adunàntzia, arrógliu, assemblea, azóviu Traduzioni Francese réunion Inglese meeting Spagnolo reunión Italiano riunióne Tedesco Versammlung.