Legenda Abbreviazioni | Legenda Simboli

chíci , avb, nm, agt: chício, chissi, chito, chitzi, chitzo, chitzu 1 Definizione nau de tempus, ora antibitzada, chi benit innanti a cunfrontu de un'àtera calesiògiat ora de sa die, ma mescamente nau de su mengianu cantu prima po s'ora chi si costumat a si ndhe pesare / min. chitzixedhu = su mengianu a bonora, chito meda, chito chito Sinonimi e contrari cisso | ctr. trigadiu, taldu Modi di dire csn: chito chito = a chitzi meda; in chitzi = a su chitzi; chitzi mannu = chito meda; a parte de chitzu = candho comintzat a èssere chito, su manzanu, chito etotu Frasi aisetade, tantu est chito! ◊ mi parit chitzixedhu, ancora! ◊ poburitu de mei, chi seu ghimallendi de chitzi mannu fintzas a merí! ◊ bae como, gai torras chito ◊ istasero mi che corco chito ca manzanu peso a sas bàtoro ◊ est arribbau chitzi chitzi, cumentzendi a fai arboris ◊ che semus essidos chito chito a múrghere sa robba 2. fint móvidos su chito ◊ andas dónnia chitzi a iscurtai sa missa ◊ mammai est pesada de chitzi mannu ◊ Antoni cussu chitzi ci fiat essiu po andai a cassa ◊ issu partit a su chitzu po andai a su sartu 3. una manzana chita che la ponzei currendhe in su casifíciu Cognomi e Proverbi prb: si cheres vívere sanu pesa chito su manzanu Terminologia scientifica sdi Etimo ltn. cito/citius Traduzioni Francese de bonne heure, tôt Inglese early Spagnolo pronto Italiano prèsto, di buonóra Tedesco früh.

chiciànu , agt: chitanu, chitzàinu, chitzanu Definizione chi si ndhe pesat chitzo, su mengianu, abbituau a pesare chitzo Sinonimi e contrari chicilanu, primmaditzu Frasi sa zente si pesat chitana pro mòvere a foras ◊ candu teneis piciocu, balla, gei seis chitzanas! ◊ o compare Tatà, benide unu pagu chitzanu cras manzanu! ◊ po dhu fai, su trabballu, pesadindi chitzana! ◊ dèu seu chiciana candu tengu pistighíngiu!◊ dèu seu chitzàina, mi ndi pesu dogna dí a is cincu e mesu Etimo srd. Traduzioni Francese matinal Inglese early-rising Spagnolo madrugador Italiano mattiniéro Tedesco früh aufstehend.

chicilànu , agt: chitulanu, chitulianu Definizione chi si ndhe pesat chitzo su mengianu, chi est chitzanu Sinonimi e contrari chicianu / cdh. chitzulanu, ttrs. chitzuranu Frasi cantat su trespodrès chitulianu ◊ coment'e unu màtulu de lana in chelu campu a su primu manzanu andhendhe, nuighedha, ses pianu che una giovanedha chitulana (P.Sulis)◊ a pè a pè ch'essit chitulanu a campu ◊ osselva sa frommixa in s'istiera chi est in movimentu chitulana! Etimo srd. Traduzioni Francese matinal Inglese early-rising Spagnolo madrugador Italiano mattiniéro Tedesco früh aufstehend.

chitónzu , avb: chitzognu Definizione chi est unu pagu chitzo, foedhandho de oràrios Sinonimi e contrari chitzixedhu | ctr. tardighinu Frasi cheret chi pesemus chitonzu a fàghere cussa cosa Etimo srd. Traduzioni Francese assez tôt Inglese a little early Spagnolo prontito Italiano un po' prèsto Tedesco etwas früh.

císso, císsu , avb: citzu, gissu Definizione chitzo, a bon'ora, tempus antibitzau si est postu apare cun àter'ora apustis, ma mescamente nau de su mengianu cantu prima (fintzes innanti de abbrèschere) Sinonimi e contrari chici* | ctr. taldu, trigadiu Frasi est ancora iscuriu candu a cissu mi ndi pesu ◊ su fixu est torrau custu citzu ◊ tocat a si ndi pesai a cissu po acodiri a pigai su postali Terminologia scientifica tpc Traduzioni Francese tôt, de bonne heure Inglese early Spagnolo pronto, temprano Italiano prèsto Tedesco früh.

«« Cerca di nuovo